<مابعد الذنوب>
البارت 11
للكاتبه سجى المالكي
لا احلل من ينسبها لاسمه،
تصويت لطفا ومتابعه للحساب
^^^^^^^
طب همام للبيت عصبي ويصيح باسم رحيق،
اجا ابوه-ياهلا واخيرا شرف الضابط تعال شوف اختك تريد تخلي روسنا بالكاع
بحده-رحيق وين؟!
-جانت متخربطه هستوهاا كعدت هسه دزيت عل ام منصور تجي تفصحها
بعصبيه-رحيق اشرف من الشرف والي يدناهاا اكطع راسه
خزره-لك انت عليمن تعلي صوتك جاي اكلك اختك ويا سامر ويمكن ناهبها وبدل ماتعاقبهاا جاي تهدد،، علينا ضدنا انت
-اني متاكد وعندي ثقه تامه برحيق وسامر
عاط-شو اطلع من بيتي احسلك شتريد الناس تكول مخانيث وبتهم تلعب براسهم
خزره وصاح-رررحييق،يممهه
نزلت امه من الدرج ،
همام-جيبي رحيق بسرعه
ابوه-وين مودي البت
طنشه وكال-يمه جيبي رحيق
ابوه دفعه-امشي اطلع برا بسرعه
بعصبيه-جيبوووا رحيق ،اختي شريفه واني متاكد
امه ظلت تبجي،
نزل جده وجدته والتموا العمام عل صوتهم،
صاح بعلو صوته-ررحيييق
اجت رحيق وكفت عل درج وعيونها مورمه من البجي وحلكها مشكوك من الضرب،
باوعلهاا-امشي رحيق
-اخاف،،حجتها وشهكت من البجي
ابوها ونائل خزروها بمعنى لاترحين،
همام-رحيق ثقي محد ياذيج بس نزلي
راد يجيها لزمه نائل ،،دفعه-امشي اطلع برا وخلينا نشوف شغلنا وياها
بحده-لككك نائل جيب اختي ماخليكم تفصحوهاا
داوود-همام كافي صياح خلينا نحل المشكله بهداوه
بحرگه عاط-ياهداوه جدي محد يفحص رحيق،،خزرهاا، يلاا امشي وياي
داوود-خلينا نفحص دام الكل عرف ليش تخلي الشبهه عل اختك
بعصبيه-كتلك اختي محد يفحصها
طبت ام منصور وابنها وهي تبتسم بشماته،
بس شافها راد يهجم عليها ومنصور لزمه،
منصور بعصبيه-لك تمد ايدك عل امي اكسرهاا الك
ضربه بوكس- توكف بوجهي واني اخوك الجبير لك اليوم اجنزك
عاط ابوهم بيهم وسكتوا،
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
