مابعد الذنوب

البارت الـ23

<مابعد الذنوب>

البارت الـ23

للكاتبه سجى المالكي

______

رحيق،
طر الليل واني عيني ماغمضت
منظر همام من يبجي ومحروگ گلبه بالي لاجت روحي عليه،
كمت افتر بالحديقه  وكوب الكهوه بيدي

سمعت صوت سامر كاعد بحديقه بيتهم ويدخن نركيله ،
عدلت حجابي ورحت يمه

-احممم

انتبه والتفتلي-هلا رحيق

-اكدر اكعد يمك

هز راسه بدون ميحجي،
كبل ركضت لحديقتنا جبت كرسي واجيت كعدت كباله،

كلت-شو ساكت

-عگلي  يم همام

-مثل حالتي، حتى ماكدرت انام

-رحيق لازم نسوي شي حتى يقبلون يخطبوها اله

-هو مدام ابوي رافض انسى بعد

جر نفس قوي ورجع راسه عل كرسي-كتله قبل ونصحته لاتحب احنا الحب موش النا

عكدت حاجبي-ليش مو الكم

-عادات اهلنا صعبه ،يعني يتسنكفون يخطبون وحده غريبه خاف ينرفضون

-لو الكل مثل اهلنا عجل محد تزوج غريبه

-اي

كلت-عجل انت ماتحب وحده

ضحك وعدل كعدته-ياهي تقبل بيه

-ليش شناقصك

-نسونجي وشراب عرگ

سكتت واخذت مجعه(شربه،رشفه) من كهوتي

سامر-كهوه مو؟

هزيت راسي،

-ليش ماجبتيلي وياج شبيج خبيثه

ضحكت-عجل انت سوي لروحك الا اني اجيبلك

-انتِ تسويها طيبه

-لان جكليتيه

-اممم

سكتنا ثنينا وبس صوت مي النافوره الـ بالحديقه ينسمع،

بتردد-سامر

-امري

-مايامر عليك ظالم بس عندي فكره

-شنو هي

-نتفق ويا همام علساع هو مريض حتى نقنع الكل يخطبله العلويه

ضحك-لا يبا حتلو سوينا هيج ماكني (ماعتقد)  يخطبوله
هو اخوج لاصها كايل الهم رفضوني ادري شمالك وهيج كلت شجاك لو مكايل جان يمكن يرحون يخطبوله

-يجوز زل اللسانه

-افف حرامات هيج كال

سمعت صوت سياره كبل كمزت من مكاني