مابعد الذنوب

البارت السابع

<مابعد الذنوب>

البارت السابع،

#سجى_المالكي

^^^^^^^

بيت داوود.

واكع جدر المرك عل سامر اثناء ماشايله،
الكل نخبص وصارت هوسه وجابوا سياره ونقلوا للمستشفى بسرعه،

امه دكت ولطمت واخواته تخبلن،

رحيق ضلت جامده متعرف شسوي ،
كامت ولزمت موبايل امها،

همام كعد عل صوت الموبايل لان جان يوم جمعه عطله،

-هاا يمه شكو ذاكرتني من الصبح

رحيق-همام الحك

فز-رحيق شكو شبيهاا امي

-لا امي بخير

-لعد شنو شصاير

-سامر

بهت وجه-شبي

سولفتله كلشي،

نخبص وضل يروح ويجي بالغرفه ولازم راسه -رحيق كلشي يصير تخبريني مفهوم اني ماكدر اجي اليوم خبريني وطمنيني عنه

-اي تمام

سد الخط وتنهد -منين اجتني هاي،

.
شغف، كعدت الصبح لكيت هدى داتخبز وامي كاعده تلعب ويا خضر
ابتسمت لمن شفته فرحان ويلعب كعدت يمه وبوسته-
حبيبي فدوه لضحكتك

ابتسم،

كملت هدى خبز واجت كعدت يمنه،

-عمه هلفتره ادوخ هواي وتلعب روحي

-اي بلكي الله حامل

-الله يسمع منج

شغف-شنسوي بي عدنا خضر يسوا دنيا

-غير اجيبله اخ الناس اكلت كلبي بس كون يطلع صاحي مو مثل اخوه

خزرتهاا-عيب عليج هدى هذا ابنج

-وشكايله اني قابل جذبت

ردت امي-مايصير هاي خلقه الله

-عمه ليش تضوجون من الحق لو تجذبون عل روحكم كلنا نعرف خضر منغولي

خضر-عمه شوفي ماما هم تكول منغولي

لزمت وجهه-لا حبيبي انت مو منغولي يلا كوم نروح بغرفتك نكمل لعب انت اسبقني للغرفه

هز راسه واخذ العابه وراح لغرفته،

شغف-هدى كافي تحطمين بشخصيه الولد لاتلفظين هاي الالفاظ يمه يتحسس هو

-اي لازم يتعود ياعيني احسن مايسمعها من الغريب

-هو طفل وبهاي المرحله يكون حساس محتاج دعم من اهله حتى يواجه الناس وتنمرهم
هو شنو ذنبه اذا الله خلقه هشكل؟

-وعليمن هلكد صرتي عصبيه اني امه مامتاثره

شغف-هاي المشكله انو امه وتحطم شخصيته وثقته بنفسه فـكيف يواجه العالم الخارجي افهمي هدى خضوري محتاج دعمج وسندج وتكونين صديقته واخته وامه وكلشي بحياته مو تصيرين ضده حالج حال الغربه