مابعد الذنوب

البارت الـ17

<مابعد الذنوب>

البارت الـ17

للكاتبه سجى المالكي
،
ممبري الينسبها لاسمه

تصويت للبارت ومتابعه الحساب لطفا

^^^^^^^^^
شغف
كعدت بغرفتي صافنه ودمعتي بعيني،
دخلت امي واني انفجرت ابجي واحجي

-يوومم شلون توافقين ازوج عصام بعد شهر شلون نطاج گلبج

-لعد شتردين اكول

-احنا متفقين ورا سنتين شنو شتكولين

-بعد الصار هم النا عين نحجي

صغرت عيوني-يعني انتوا بعدكم مصدكين عصام زين ومامسوي شي،  ماسالتوا ليش طلعت ويا غيره وهو ليش ماتحرك وحجه

-يكول اني بس حجيت كلمه وهي زعلت وردت الزم ايدها اهديها عاطت بوجهي وظلت تصيح واجى الولد ضربني عباله داعتدي عليها

دزت بجي واني اسمع كلام امي ومصدومه من حقاره عصام،

كعدت بالكاع حضنتني-كافي بنيتي

اناشغ-ماريده

-شبيدي عليج ياعيني

-ماما فدوه سوي شي ماريد عصام

-كافي شغف اهدي

ابتعدت عن امي ومسحت دموعي افكر،

-شغف كومي ماما لاتقهرين روحج

هزيت راسي وكلت بهدوء-من رخصتج بس اريد ارتاح

كامت امي وطلعت من الغرفه،

كمت شمرت روحي عل الفراش وافكر شتصرف وشلون احل هاي السالفه،

رن موبايلي فتحت خط،

-هلا هُمام

-شجرالج، صوتج متغير علويه

بجيت،

-شغف لُيش تبجين

-راح اتزوج

رخت ملامحه وتنهد،

-ماريده ومحد مهتم لرأيي

سكت وهو يستمع،

-هُمام فدوه انقذني ماريده اكره كرهته بعد الصار

-اريد اشوفج باجر

-عوف شوفتي وخبرني شسوي

-باجر عندي حجايه وياج

-الله كريم اني رايحه انام لان راسي يوجعني

هز راسه -تمام انتبهي عل روحج وكافي بجي شكد عندج دموع

-من ضيمي ابجي قابل سعيده

-تفرج ان شاءالله

سديت الخط وبسرعه نمت احس ماابقى افكر وتتعب نفسيتي،

كعدت ساعه 9 بالليل طلعت من الغرفه
البيت هدوء ومحد موجود
خفت رحت اتصلت بامي جاوبت،