<مابعد الذنوب>
البارت الـ28
للكاتبه سجى المالكي
لاتنسوا تصويت ومتابعه للحساب ومتابعه الروايات السابقه،
__________________________________
شغف..
سلمت عل داليا ردت برود ماهتميت ورحت كعدت يم رؤى
وكل شوي داليا خازرتني،
سمعنا صوت طلق واغاني يعني اهل العريس اجوا،
طبوا اهل العريس
جان يوسف لابس قاط زيتوني وهو جسمه مرتب لا سمين ولا ضعيف
محدد لحيته وشوي مخففها
وابتسامته ماليه وجهه وهو عنده غمازه، كعد يم داليا
انتبهلي وبهت وجهه مصدوم،
جابوا سيد وعقدوا ويوسف عيونه مدمعه ويباوعلي رغم هو تقدملي كذا مره ورفضت،
لبسها الذهب وهو يباوعلي وجن بعيونه حجي،
داليا حسيتها ضاجت وبعدلها شويا تعيط،
طلعت من صاله للطرمه محد موجود الرياجيل بشارع كاعدين،
كعدت وبيدي عصير واتصفح بفوني،
فجأه سمعت صوت ورايه درت وجان اشوف يوسف من صدمتي وكع العصير
-الله الله
خزرته ومسحت فستاني لان تلوث،
-حروح اغسل
-شغف
دامشي وكفني التفت-نعم
تنهد-ليش هلكد قاسية
-شتريد يوسف
-اجيتي تقهريني مو
عكدت حاجبي-اقهرك شنو ؟اجيت اباركلكم ولوما ملحه رؤى فلا اجي
صفن بوجهي
دنكت -من رخصتك
تنهد-تدرين لحد هسى اني احبج
-رجاءً احترم الكاعدة جوا بدلتها وهي خطيبتك
اشر عل گلبه-هذا يريدج شسوي مو بيدي
جريت نفس-الله يهنيك ويسعدك
هز راسه مقهور،
مشيت للحمام اغسل وافكر بنظرات يوسف الماليهن حزن
بس شسوي بگلبي الحب همام وتالي نخذل منه،
كملت الحفله واجانه خطيب رؤى
وصلوني للبيت
كبل صليت وقريت قران ونمت بدون مافكر بشي اذا ابقى كاعده اظل افكر بهمام،
مرت الايام بهدوء بين دوامي والبيت، تعلمت الحياكة وبديت اتعلم تطريز،
بيوم العصرية كاعدة اطرز و هدى يمي تحاول تتعلم،
خضوري نايم عل بطنه يرسم ويغني وسكينة تلعب باقلامه
طب ابوية عصبي بسرعة للبيت ويستغفر بصوت عالي
هدى-عزا شبي عمي
-مادري خل اكوم اشوفه
عفت البيدي وكمت دخلت لكيته بغرفته كاعد وايده عل راسه،
أنت تقرأ
مابعد الذنوب
Roman d'amourمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
