<مابعد الذنوب>
البارت الـ24
للكاتبه سجى المالكي،
______
همام،
كاعد يم ابوي وراسي يم ادينه وهو نايم فززني صوت امي،
-همام
همست-وينها، لكيتوها يو لا؟
خلت ايدها عل جتفي-يمه انسى الصار وخلوها تروح
ابوك يطلكها وينتهي كلشي
ضحكت-لاوالله !!! تخون ابوي بنص بيته ويا ابنه وبكل بساطه يطلكها!!
-شنو البالك عجل
هزيت راسي بداخلي اتوعد لناز واني ادحك الابوي،
كالت امي - همام جاي تخوفني
كمت مبتسم مجامله
كلت-لتخافين وابنج همام، حگ ابوي اطلعه بين عيون ناز ومنصور لو اخير يوم بعمري
مشيت
وكفني صوتها-ديربالك تسوي البالي
التفتلها وابتسمت،
طلعت من الحجره (الغرفه)
دحكت جدي وجديتي(جدتي، بيبيتي) كاعدين بالهول وجديتي تسب وتدعي عل ناز
كلت بنتر -ها جدي ارتاحيت؟
دحك عليّ-شنهو قصدك؟
-انت رضيت بزواج ابوي من وحده ادبسزز وبت شوارع وهاي النتيجه
خزرني،
صحت-لاتخزر فتهمت انا جاي احجي الحگ
دخل عمي بهل اثناء
سكتت اتأفف وكعدت يم جديتي،
كال عمي -شكو خيركم الوجوه مكلوبه
دحكلي جدي وسكت،
حجى عمي-عبالك الكاع نشكت وبلعتها شلون هيج كدرت تشرد هاي
كلت-صوج امي ورحيق عافوها لوحدها وهي غافلتهم عجل شمالج جده ماراقبتيها
-ياا وانا شلي دخل ملتيهه بابوك بحال نويز
تنهدت ودحكت لعمي-اهلها وين؟
-ماموجودين ببيتهم القديم
داوود-خافن راحت لمحافظتها
كلت-وين بيتها نطوني العنوان
داوود-لايولي انت ماتروح لمكان تكعد هنا وتستجن
الولد يرحون تروح تكتلها مكانها هنوب
كمت-عجل ادحك بجهرتها غير اموتها واشرب من دمها
عاط عمي-مو حل هذا ،ننتظر ابوك ترجعله صحته واهو(هو) يقرر
تنهدت ماعاجبني كلامه شنو انتظر ابوي انا
كلت-تمام انطوني العنوان اجيبها وعود اخذ نائل لو سامر
خزرني جدي بشك وجن ممصدك ما اذيها،
دحكت لجدي وكلت-يابه كلت ماسويلها شي بس اجيبها
أنت تقرأ
مابعد الذنوب
Romansaمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
