<مابعد الذنوب>
البارت الـ31
للكاتبه سجى المالكي،
°°°°°°°°°°°°
هُمام،وصلت للبيت والكا عم امنه عصبي وامها تبجي سالت واحد من العساكره الموجودين يمهم
-شنو شصار
رد-سيدي لكينا جثه امنه مشرحه واعضائها مطشره
وسعت عيوني مصدوم،
حجا عمها-الظاهر القانون ماكدر يحمي بتنا
دنكت خجلان ومن جهه خايف عل شغف الاكيد راح تتورط دام ماكو مشتبه غيرها،
طلعت من البيت روحي لايجه،
ضربت تاير السياره بحرگه،
اجا وسام-خلينا نروح للمستشفى ونشوف تقرير الطبي
عطت بحركه-شنشوف العلويه راح تنسجن
عكد حاجبو-وليش هلكد مهتم بيها؟حالها حال سجينات
حمحمت متوتر وصعدت بسياره وهو صعد ونطلقنا للمستشفى ،
توجهنا لغرفه التشريح راح وسام لهناك واجى ويا الدكتور ودكتوره،
كلت-شصار اثناء التشريح
حجى الدكتور-كلياتها مموجودات
عضيت شفتي بقهر
دكتوره-متعرضه للاغتصاب ايضا
وسعت عيوني مصدوم همست-اغتصاب!!
-اي للاسف وصاير عدها نزيف داخلي
وسام استغفر ربه مقهور واني كعدت عل كرسي مخنوك يالله شنو ذنبها هاي البنيه يتيمه اب
ياحقير هيج سوا بيها،
وسام-زين منو كال اغتصاب خاف باردتها
خزرت وسام وصحت-لاتبرر للمغتصب لا اخلي لابسها بحلكك
نتر-همام احنا ضباط مالازم نمشي ورا مشاعرنا غير اكو ادله تثبت
كمت وكضبتو من ياختو من حرگه كلبي
-شوف ولك عمرو المغتصب مالو تبرير وذا تريد تبرر فانت ذكر لان ماكو انسان يسوي هيج ويا بنيه وذا فتحت حلكك اكطعك واذبك للجلاب وتعرف الضابط همام بعد
بلع ريكه-مو هيج قصدي واني مامبرر لشي
دفعتو وحجت الدكتوره-اثار الضرب البجسمها تكول معتدي عليها؟ شلون عرفتي اكو اغتصاب
هزيت راسي بقهر،
وسام-نكدر ناخذ سجل التشريح
دكتور-اي تفضل ويايه لمكتبي
مشى الدكتور و وسام واني بقيت اكل بروحي شلون ماكدرت انقذها،
اخذنا سجل وتوجهنا للمركز وعقدنا اجتماع حول القضيه طول ساعتين ،
النقيب-المشتبه الوحيد هي المدُرسه شغف وللاسف ماكو مشتبه اخر
كلت-بس سيدي البنيه مغتصبه وبيوم مااخذنا شغف للمركز يعني اكيد جماعه هم المتهمين شغف شدخلها؟
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
