مابعد الذنوب

البارت الثالث

<مابعد الذنوب>

البارت الثالث،

تصويت لطفا ومتابعه للحساب

شغف،كعدت الصبح عل صوت بجي خضر كبل كمت مفزوعه رحت لغرفته لكيته بحضن امه ويبجي

-هدى شبي خضوري

-لج داده غير الليل كله خبلني يون من راسه

اخذته منها وبسته بخده-شنو يوجعك يبعد عمتك

-راسي يوجعني

بسته براسه وحضنته-ريت الوجع بيه ولابيك كافي حبيبي لاتبجي انت رجال والرجال مايبجي

-بس يوجعني

-اليوم العصر اخذك اني وبابا للدكتور

-اريد حليب

باوعت لهدى-حضريله كلاص حليب

كامت وراحت،

-خضوري حبيبي خل ابدلك ونلعب اني وياك بينما ماما تجيب الحليب

هز راسه ومسح دموعه باديه الناعمات،

كمت لكنتوره طلعلته بدي وبرمودا لبسته وكعدت العب ويا بسيارات وهو نطلق ويضحك ونسى الم راسه،

اجت امه نطتني الحليب،

هدى-شنو شغف ماراح ترحين للجامعه

-ماكدر اترك خضر وحده راح اغيب ماغايبه صار هواي

-خاف عندج امتحان

-لا همزين امتحاني باجر

-ماشي حبيبه انتبهي عل خضر رايحه اسوي ريوك لعمي،

هزيت راسي ورجعت اللعب ويا خضر،

ماحسيت بالوقت باوعت للساعه بالوحده
ياا نسيت الصلاه،

اردفت-خضوري انت ابقى هنا رايحه اصلي واجي

-تمام بس لاتتاخرين

-هسه اجي،

طلعت من غرفته
توضيت وصليت وقريت سوره الرحمن هاي السوره قريبه عل گلبي ماعرف ليش هلكد احبهاا
يجوز بسبب امي تقراها هوايه وزرعت محبتهاا بگلبي،

رجعت لغرفه خضر لكيته كاعده ومايلعب

-ها شو بطلت لعب

-اريد العب بشارع

-انت هسه مريض لمن تشفى اطلع اللعب

-بس همَ مايخلوني العب وياهم يكولولي منغولي

تنهدت -خليولون يروحلك فدوه انت مو منغولي

-لعد ليش همَ هيج يكولون

حاولت اغير الموضوع
-خضوري هاي سياره السوده منو جابهاا الك

ابتسم وشالهاا-بابا جابهاا الي ذاك اليوم

ابتسمت-الله شكد حلوه لعد مسلم ليش مايجيبلي شو

ضحك-هو يحبني مايحبج