#جنون_العُقلاء
الكاتبة : ساره جعفر
لا تنسون التصويت + التعليق بين الفقرات ♥️.
ملوثاً لدرجة أنني لَم أستوعب أنها نقية .
..
أنه وين اجيت جنيت على روحي !
عبود واكف يم الباب مقابيلي وفَرعون واكف على صفحة ومتچتف وابتسامة جانبية على وجها نشف الدم بعروگـي .
عبـود : صار الحجيتة شلون لكفت السالفة !
-أنـه ما اكول شي غلط .
-لا فرعون صدك شلون عرفت راح تشرد ومن هذه الباب بالتحديد ؟
-مـو كتلك الحايط يطلع نسوان ؟
-ههههههههه بديت اصدك
-طلعت هدية من الحايط
-ههههههههه
-ها علوية آمين ان شاء الله رحلة السرداب حلوة ؟
-مبينة كلشش حبتها ههههههههه
آمين : فَرعون أسمعني
-تؤ تؤ ما مقبولة منچ ابداً أنـه صارلي نص ساعة هنا منتظرج شتحجين أنتِ !
-ها !
-شني علوية رافكتينة جم يوم وصرتي تطلعين من الحياطين ؟
عبود: هههههههه اذا تبقين ويانة شهر شتسوين
-تطير
باوعت يمنى يسره اريد اشرد وهمه ملتهين ركضت بعدني أول ما ركضت نكضت أيدي حيل ونجريت وصرت مقابيل فرعون وهو لازم أيدي حيل .
-چا هِيَ هيتة تشردين براحتج ؟
عبـود : ترى هو يعرف راح تشردين حتى قبل لا تشردين ومتانيج هنا وتردين هسه تشردين كدام عينة !
-شكلها العلوية ما عاجبها اجواءنا ؟
هزيت راسي اكثر من مرة بـ لا : يعني تحبينهن ؟
-فَرعون خليني اروح فَدوة
-اي تعاي انـه اخذج للباب
طرت من الفرح وبقيت امشي ويا لان شكلة هادئ ومو عصبي ابد انه عبالي راح يكتلني بس الحمدلله ما سوة شي ما مصدكة راح اخلص منهم !
أنت تقرأ
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
