جنون العقلاء

Part 46

#جـنـون_الـعـقـلاء

الكاتـبة :- سـاره جـعـفـر

لا تنسون التصويت + التعليق بين الفقرات .

إضافة لحسابي حبايب 🫂♥️ ..
sara_Jafar13

....

نصدمت ونرعبت منو هاي البنيه ! وليش حدد موقعها ؟ وشيريد من عدها ! وشنـو صلته بيها ؟؟ حسيت روحي دخت والدنيا افترت بيه .

أريد أعين روحي واگوم ما اگدر بقيت صافنه على الجهاز لحد ما عبالك واحد ذب علية ماي بارد وفزيت شمرت الجهاز على الچرباية وبقيت بدوامة التفكير ..

حسيت راسي صدع وما گدرت اوصل لفد شي ما طلعت من البرنامج لأن أكيد أذا دخل على المراسلة راح يعرف انـه قاريتها فـ عفتها على البرنامج علمود أول ما يفتح الجهاز تطلع اله مقريه من يفتحه هوَُ .

نزلت على أطراف أصابعي ورا وصلت لحد الدرج شفته بالهول يمشي وعيونه بالگاع ما رفعهن مبين باله مشغول يفكر من اجه باتجاة الدرج بسرعة صعدت

ودگات گلبي تنسمع ما فكرت أروح اتمدد واسوي روحي نايمة لأن وحش كلش دقيق فـ راح تنكشف چذبتي ويعرف ما نايمة ..

رحت على السريع للثلاجة من الخوف عطشت شربت ماي وهوَّ طب وراح باتجاة الشباك جر شوية من البرده وگف يشوف بس هو ما مبين

ما توتر أو ارتبك لأن انـه موجودة بالعكس يتحرك باريحية بس هنا أحس تصرفاته غريبة حركاتة غريبة وگلبي حسني يريد يسوي اله فد سالفة تفجع ..

رحت تمددت وهوَّ راح للقنفة گعد كأنما ينتظر حدوث شي شوية وگام جر السويـچ والباكيت والجهاز وأشيائه المهمة ومشى للباب بـ استعجال

- سدي الباب ونامي .

اليوم وداع وحش مو مثل كل وداع بينا ، چان يبوسني أو يگلي كلمات حلوة أو يبوس شموسه واشگد يبقى يوصي بيه بس هل مرو يختلف وداعة ..