#جنون_العقلاء
الكاتبة :- ساره جعفر
لا تنسون التصويت + التعليق بين الفقرات
..
رحت وراه بسرعة أريد أشوف شيسوي وگفت من بعيد اباوع على فرعون يمشي بخطوات معدومة ماكو أي صوت لخطواته والمكان أذا تذب بي ابره تنسمع
ما عبالك يمشي على گاع من گد ماكو صوت لمشية ، وگف گدام جرباية شاهين ورفع السجينه بريد يحطها بگلب شاهين ؟!
شاهين بسرعة كفخ ساعد أيد فرعون اختل توازن أيده وطاحت السجينه بالگاع
فرعون ما أهتم للسجينه ولا التفت عليها بسرعة انتهز فرصته وهجم على شاهين قبل لا يگوم !
نام عليه وخنگه بثنين أيدي راد يطلع روح شاهين بس بحركه سريعة دفر فرعون شمره بالگاع
فرعون أول ما لاح الگاع طفر من مكانه ورجع لزم ايدين شاهين وضل يلوي بيهن في سبيل يسيطر علي
تعجبت على قوة شاهين هوَ رجال چبير بس القوة العنده والسرعة عجيبة وأبد مو يم عمره !!!
نزل فرعون أيدي على شاهين وخنگه بثنين أيدي شاهين صار وجها أحمر ويرافس يريد يشتم الهوى ماكو حسيت الرجال راح يموت على المنظر مالته
سيرين :- عزززااا
التفتت عليها تلطم على خدها طبت لجوة تصرخ وتبچـي وفرعون مستمر يخنگ بشاهين ..
كلهم التمو هنا ما أدري منو الدفعني لأن كلها اجت تتراكض وجوهم مخطوفه من الخوف
صل وعربيد يردون يفكون فرعون من شاهين يجرون بي يجر شاهين وياه والرجال اجه يموت صار وأحد يجر بالثاني والموقف يرهب الگلب
لحد ما جرو فرعون لوره وهد شاهين ثنينهم يلهثون ويباوعون بعيون بعض بحقد وكراهية بحيث نظراتهم عالنه الحرب وأحد يريد ياكل الثاني
أصوات أنفاسهم الاهثه عيونهم المحتده على بعضهم گلوبهم الممقوته ..
أنت تقرأ
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
