جنون العقلاء

Part 25

#جنون_العقلاء
الكاتبة :- ساره جعفر
لا تنسون التصويت + التعليق بين الفقرات

تفاعلكم الحلوة يسويلي واهس للكتابة 😍😍♥️ .
..

- هيَ الاولى وأنتِ الثانية .

صفنت عليه وهو يباوعلي برود وحاط عينه بعيني عفته وطلعت بدون لا انطق بكلمة وحده بكامل هدوئي لأن ما يهمني

ما أدري كلامه صدگ لو چـذب بس هوَ دائمًا يـچـذب علية وأذا كلامة صحيح فـ ما يهز شعره من عندي فرعون ما احبه صارلي ويا سنتين وما اطيقه

ما اگدر اتقبله أذا اگعد أسوي مقارنات بين زيناته وشيناته الزينات مالاته ينعدن على الأصابع والشينات يطيح لساني وما يخلصن .

أي فرصة تصحلي اتطلگ من عنده لأن لا هوَ يناسبني ولا أنــه ارهمله ، ثنينه متنافرين ومستحيل نتوالم ويا بعض

الخطار بدو يقلون والظهرية صار تجمع عائلي فرعون وعربيد وعلي گاعدين يسولفون سوى واحنى اجينه گعدنه يمهم

طبعًا استغربت من العائلة شلون هيـچ متقبلين علي ؟ خو سيرين مايعجبها العجب وهيَ تحبه غُصن تتعارك ويا عربيد علمود عقرب

ما أدري مسوي للعالم سحر بحيث كلها تحبه ولو هوَ أنــه جاي احـچـي وأنــه اسولف ويا

بختصار كلهم يموتون على علي حتى أخوات فرعون قبل چـانن يحبنه بس هسة كرهنه علمود سالفة اختهن

والعرفته علي وياهم من هو مراهق يعني شلون متربي وياهم حتى ينظر لاخوات فرعون مثل أخواته

بهل اثناء نزل صل من غرفته ولابس دشداشه سوده من گعد الولد ضلو يضحكون وعربيد ينكث بهدوم صل

- خوية فشلتنا خزيتنا تتلامع من كل كتر

- نـچـب

- زين هسة هاي المره شجابها على ظهرك حتى ظهرك يتلامع ؟

ضحكو علي وفرعون ضحكه عالية وصل خزرهم ونزل أيد عربيد بنتر

عربيد :- يعني هاي فوگ ما اسويلك زين طبك مرض خل العالم تضحك عليك تتلامع