جنون العقلاء

Part 39

#جنون_العقلاء

الكاتبة : ساره جعفر

لا تنسون التصويت + التعليق بين الفقرات .

..

ضلينا واحد يباوع بوجه الثاني ! ليش طلع من غرفته وهوَّ هيـچ عصبي وبيوم زواجه استغربنا الموضوع وأسفار صعدت لاختها .

فرعون:- يلة كلكم گدامي للحديقة

گامو الولد وفرعون صعد للغرفة أخذت عراق وصعدت ورا والموجودين كل واحد راح لغرفته لأن حرفيًا ميتين تعب

لبس تراك ونزل كسرو خاطري أحنى الجوة وانكسر ظهرنا مو بره والحديقة شكبرها

عراق :- أريد أروح وي عمو

آمين :- لا حبيبي تعبانين خلي نسبح ونام أحسن

ما ناقشني ولا تعبني سبحت عراق وسبحت ورا وتمددنه على الجرباية هوَّ نام بحضني ونمنه حتى ما انتظرنا وحش يرجع .

ثاني يوم گعدت عراق بعده نايم ابتسمت خطية كلش تعب وگاعدين من الصبح حتى أنــه بقيت شوية متأخرة اليوم مو مثل قبل اگعد من الصبح

نزلت لگيت بعدها خبصة العرس لأن عمام عربيد موجودين ويجون النه خطار فـ صايرة هوسة مرة فترة ورحت لغرفة لفيار بعد ما تأكدت عربيد ما موجود يمها أريد أشوفها

دگيت الباب اجاني صوتها اطب طبيت وهيَّ طلعت من الحمام بملابس قصيرة بقيت جامده بمكاني من منظر جسمها حرفيًا عبالك داخلة تعذيب !

ايديها ركبتها وجها كللللله كدمات زركة على بنفسجية بَـس أمس ما شفناهن لأن خافيهن بالمكياج بَـس خطية هسة كلش بارزات

لفيار :- لا تخافين آثار قديمة .

آمين :- ولـچ شبيـچ منو مسوي بيـچ هيـچ !

لفيار :- اليتسمون أهلي .

آمين :- ما توقعت هيـچ ..

لفيار :- عادي ، تعالي اگعدي

رحت يمها گعدنه على طرف الـچـرباية جابت بودر وضلت تمزجه على ايديها علمود تخفي  الآثار لأن حتى چـفوف ايديها بيهن كدمات