#جنون_العقلاء
الكاتبة : ساره جعفر
" قاع الظلام ليالي موحشه وعيون لا تنام ".
..
عدلت الابكوت واني امشي ببتسامه ، اخذت نفس مرتاحه مِن هم ثكله جبير على كتوفي ابتسمت من تذكرت حققت حلمي .
قاطع افكاري بنيه مريضه معالجتها مشت من يمي وابتسمتلي بتعب ضحكت الها بدون صوت اتذكر صديقتي دائماً تكلي : شاركه الحلك
واني اضحك واكلها : خايبه الدنيا شضال بيها .
مشيت اعدل بشالي واتذكر ايامي الراحت عشتهن بمر وتعب وروح ملوعه على اهلي اشوفهم كبار عمت عيني
ما يكدرون يجيبون كلشي الي امي جانت دشاديش ثنين تطبكهم وتخيطهم ولون البكره يختلف عن لون الدشدايش ثنينهم جنت اصير مهرج
بَس افرح واطير من الفرح من اشوفها تسويهن بايديها التعبانات متروسات تجاعيد وتعب سنيييين مرسومه على ايديها وجها .
واتلكه ابوي اول ما يجي اجيبله ماي وابوسه فرحانه راجع ومشتاقتله وهو مبتسم ودائما يكلي : الحنينه ،
ومرات نتعشه مرات ما نتعشه وانام والجوع يكرص بيه صحيح انقهر على حالنه بَس ما اتذمر ما احسسهم همه مقصرين بشي عليه ،
صديقاتي جانن يضحكن عليه ويسوني مضحكه على ملابسي لان عتيكات ومو جديدات ومال العام فيضحكن عليه انحرج واضوج بَس اردلهن برزاله
- صحيح انه على كد حالي وملابسي مبهذله بَس ما ضحكت على شخص ولا ستهانيت بوضعه ما جايه شاكيه لوحده منجن ولا مجديه منجن .
باوعت على ملابسي نظيييفه ومرتبه ونازكه ابتسمت بقهر وتذكرت من جانت ملابسي لونين ومبهذلات ومرعبلات ادركت : اليتعب يلعب .
صحيح جنت رايده اصير شي جبير ينضرب بي المثل وحلمي اصير دكتوره بس بعد علمود اهلي صرت ممرضه واشوف هل شي حيل مناسب الي رغم بيها تعب بَس حلوه ،
واتذكر امي اجيب المشط واجيها اركض وهيه تضحك عليه لان بارده والصوبه كدامنه ومرات تدفي شعري على الصوبه وتمشط شعري ونسولف ،
كل هذني صارن ايام بيهن الحلوه وبيهن المره وجنت كل ما تضيك بيه اندب رب العالمين واهل البيت .
رحت لغرفه المريضه ضحكت الها واردفت : شلونج يمه ؟
ردتلي بصوت مبحوح متقطع من كبر السن : زينه ييمه شو ما صرتي تجيني ؟
اردفت بتأسف : اسسسفه يا عيني بَس والله هل فتره عليه شغل بَس والله بعد يوميه اجيج
اردفت بحزن وهيه تنزل عيونها : يعني انه مطوله هنا ؟
أنت تقرأ
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
