#جنون_العُقلاء
الكاتبة : ساره جعفر
لا تنسون التصويت + التعليق بين الفقرات ♥️ .
تفاعلكم وتعليقاتكم بين الفقرات تسويلي واهس چبير بالكتابة وتنزيل البارات أسرع 🔥 .
..
-أنــه اليسمـوني مـجنـونــچ .
كلنا نباوع عليهم جملتة أحسها دخلت بأعماق روحي وشلون هيــچ يحبها لدرجة يسمونه مجنونها ؟!
وبـ الضبط كلها تگلة شبيك متخبل عليها راح تتخبل علمودها إلى أن ضلو يسمونه بالـ عاشق المجنون .
اشگـد فرحت ألهم حسيت هيــچ صاير شي حلو بحياتي ولا عبالك هيَ حياتهم فرحت ألهم من كل گلبي صل يستاهل
والبنيه ما أعرفها بس وجها بريئ ومن طلع صل بقت طول الگعدة هيَ مرتبكه
ما أگدر اوخر عيني من عدها رغم شكلها عادي حالها حال كل البنات الموجودات واكو أحلى من عدها بس هيَ شكلها جذاب ما أدري بريئ ؟
روديانا : نروح نبارك إلها ؟
هزيت راسي ورحنا أنــه وياها وكفنه قريب من عدها وروديانا باركت إلها وحچـيت أنـه ..
- ألف مبروك يگـلبي أن شاء الله فرحة خير على حياتـچ ويا رب تنسعدون سوى .
- تسلميلي حياتي على هيـچ دعوة حلوة مثلـچ
ابتسمت إلها جوابها لطيف وشكلها لطيف صفنت هاي شلون راح تعيش ويـ غُصن ؟
سيرين وغُصن من أكثر الناس الحقراء الشفتهم بحياتي رغم هنَ كبار وعيب احچـي هل كلام بحقهن بس والله عدهن سوالف تصفن الواحد
وغُصن ما تريد أسفار شلون راح تعيش وياها أكيد تشد وياها بحيث تهججها بليلة ظلمة أنــه معاشرتهن واعرفهن
عود أنــه أرد ألهن ما اسكت صحيح اكو أشياء اغلس عليها بس أرد الهن وما اخليهن يتمادن ..
بين صفنتي لاحظت اكو بنية تباوع علية من بعيد صافنه بوجهي غلست وگلت شي عادي بس همَ صارت عيني عليها وره فترة واشوفها بعدها صافنه علية ؟!
أنت تقرأ
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
