جنون العقلاء

Part 13

#جنون_العُقلاء
الكاتبة : ساره جعفر
لا تنسون التصويت + متابعة الحساب .
..

بقيت اخذ نفس وصدري يهبط ويرتفع ومتعرقة والغرفة ظلمة وفاتحة عيوني مرعوبة، بلعت ريگي وگعدت بالگاع ابـچـي بصوت مكتوم صوتي ما طلع من الخوف حسيت بلعت لساني

گعدت بالگاع بسد الچرباية ولميت رجلية دنگت رآسي ودموعي تنزل حطيت ايدية على اذاناتي واصرخ بصوت مكتوم عبالك واحد خانگني

بقيت فترة أنــه مغمضة ودموعي تجري والأصوات تتعالى ما تنصه نطرشت طرش، نزلت ايدية من أذني وحطيت ايدي على حلگي وترجف بشكل مو طبيعي

كمت وأنــه استند على الچرباية بمساعدة ايدية ومقلصة عيوني بخوف، تشجعت وأريد أعرف منين جاية هاي الأصوات وشنــو مصدرها وما جاي تختفي واشكد ما الها تعلى ؟؟

مشيت بخطوات مترددة واشجع نفسي وعيني على الباب وگلبي معصور ومركزة، فتحت الباب وطلعت والأصوات كل ما جاي تقترب ما أدري أنــه جاي اتقرب لهاي الأصوات ؟

نزلت من الدرج اظلم كلش هندس وأنزل باية اصعد بايتين والأصوات مخيفة بشكل مفزع .

صريخ فواتح ضحك عالي ممزوج بحزن وناس تسولف بس ما جاي افتهم شنــو هاي السوالف ؟ بس أسمع أصوات سوالف ودگ مثل واحد يدگ على أبواب وصريخ وكل هذه بوكت واحد وممزوج مو صوت وأحد أكثر من صوت ؟؟؟

نزلت الدرج لأخر باية وردت أروح للهول بس ما عندي الشجاعة حاولت أروح للمطبخ وهاي الأصوات بعدها تزداد ما تنقص بــل انرعب أكثر .

رحت للمطبخ وأنــه احسب انفاسي والشهادة على لساني لأن كلت مستحيل أطلع من هل موقف بسلامة

جسمي كلة مكزبر وعيوني ما كفت من البـچـي مشيت بخطوات بطيئة وهل شي جاي يخليني اتخبل أكثر لأن واكفة أسمع الأصوات وما أدري منين ؟