جنون العقلاء

Part 47

#جـنـون_الـعـقـلاء

الكاتبـة :- سـاره جـعـفـر

لا تنسون التصويت + التعليق بين الفقرات .

مساء الخير الحچي الراح تحچي آمين بعضكم ما راح يعجبه او ما يحب يقرأ هيـچ فـ بدون تتجاوز علية أو على العلوية نزلو جوة وكملو البارت طبيعي ..

...

- رائد شاهين عُثمان ..

عقلي ضل يوجعني الدنيا أفترت بيه وصار غواش على عيوني ، نسحبت من عندي الجنسية بقوة التفتت أماني واگفة بصفي وتخزر بيه

- منو سمحلـچ تمدين ايدچ على شي يخصني ؟؟؟

- بس ردت أشوف أسماء أطفالچ !

- مرة ثانية لتعيدينها وتتطفلين على شي مو الـچ عيب .

- اسفة

عفتها بالغرفة وطلعت خجلانة ما قصدي اتطفل على حسب كلامها بس عبالي عادي عدها لأن انـه هسة لو واحد يأخذ جنسية شمس يشوفها ما عندي مشكلة ..

رحت لغرفتي گعدت وبقيت أفكر بهواي أشياء حسيت راسي يريد ينفجر وما وصلت لشي

تذكرت كلامها وياي شلون رزلتني وانـه ما قصدي شي ضجت حيل ..

تذكرت كلشي مو حلو سمعته هاي الفترة وگلبي ظل يوجعني ، كلام أقارب وحش من يجون للبيت يسمموني بكلامهم

صراحة ما انقهر لأن كلامهم مو منطقي أو بالاحرى ما أريد اظلمهم أو أخذ اثم خلي نگول تفكيرهم يختلف عن تفكيري ..

بس لأزم الانسان يحترم أنُ اكو ناس غيره تفكيرهم مو غلط بس يختلف ، اجزم أذا كل أنسان احترم تفكير غيرة نعيش بسلام ماكو مشاكل بالحياة بعد .

على سبيل المثال عدهم كلام يگولو عني أنُ انـه ما عندي كرامة أو ضعيفة شخصية ليش يابه ؟

لأن من تصير مشكلة انـه أكون اهدئ شخص !