#جنون_العقلاء
الكاتبة : ساره جعفر
لا تنسون التصويت + التعليق بين الفقرات
تواصل انستگرام : sara_jafar13
..
رحت عليها أركض كعدت بالكاع يم راسها من كد ما الموقف أثر بيه ما أكدر أرفع ايديه واكومها
واكعة على وجها وأشوف دموعها تجري وهي لا حولة ولا قوة كُلشي ما تكدر تسوي ومبين متاذية
كُلش تاذيت على اذيتها ونمرد گلبي مرد عدلت راسها وحطيته على رجلية ما تجرأت اكومها بله كومتها وگعت على شي حاد وتاذت اجيبلها اذيه فوك اذيتها ؟!
وأنـه تعبت كُلش على موقفها والدنيا طلعت من عيني ما تستاهل حقيقةً ما ماذيه وأحد بينه وهادئة تنگلب حياتها بين لحظات !
ما تحملت ونفجرت بالبچي وياها تبچي وفاتحة عيونها ما تكدر تسوي شي وراسها بحضني وابچي وياها
دخل فرعون باوع علينه باستغراب وجها نخطف : شصاير ؟!
أنتبه على مكانه وشلون هيَ نايمه بالكاع بسرعة افتهم الموضوع اجه عليها شالها بين أيدي وحطاها على الجرباية
تضاعف بواچيها ودارت وجها خجلانه من الموقف وتبچي رحت كعدت يمها أريد احچي وياها بس شفت وضعها ما يسمح انُ احچي .
وحبيت يبقون هوَ وياها على راحتهم بعد هوَ زوجها ويعرف شلون يخفف عنها ترخصت وطلعت أمسح بدموعي، موقف ما أكدر أنساه من بشاعته لدرجة رحت لغرفتي وبقيت ابچي عليها تكسر الخاطر
لليل فكرت أجيب إلها عشه وأخذته إلها لغرفتها بلكي ولعل تأكُل انتهت من المغذيات والكانولات تارسه أيديها، دخلت لكيتها صافنه وعيونها مدمعه ابتسمت لها وحطيت الأكل على صفحة ورحت احچي وياها ما ترد وحتى ما تباوعلي
دخل فرعون من شاف العشه حاول يحچي وياها تأكُل المُشكلة حتى ما صرنه نكدر نتصرف كد ما هيَ ما ترد
أنت تقرأ
جنون العقلاء
Acciónسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
