جنون العقلاء

Part 29

#جنون_العقلاء

بقلمي :- ساره جعفر

لا تنسون التصويت + التعليق بين الفقرات

تواصل انستگرام
sara_jafar13

..

رجعنا للبيت بعد تعب وتكسيرة طويلة ومرن چم يوم عاديات ، صعدت للغرفة مالتي بهل يوم فرعون ما رجع بليل بات بره البيت صليت هواي بنيه توفيق وقضيت العليه بوكت الغيبوبة وصليت ثواب لأهلي وقريت قرأن وادعيه دعيت رب العالمين يهدي فرعون ويودي للطريق الصح

بقيت فترة كلش طويلة أصلي واقرأ قرأن وادعيه إلى أن كملت ورحت اتمدد على الـچـرباية ، بس ما نعسانه بقيت اتگلب والوكت مو كلش متأخر

أكمل غسل المواعين وتنظيف المطبخ وكل وأحد يروح لغرفته وحتى لو بقن گاعدات ما أبقى مالي خلگ فـ أصعد من وكت كلش لغرفتي

گمت من الـچـرباية أريد انظف الغرفة بس تلمع لمع ومابيها شي أيدي دائمًا بيها لأن فرعون فوضوي وأذا راد شغلة يگلب الغرفة گلاب وأرجع انظف ورا

رجعت تمددت واتگلب حتى ما عندي شي أفكر بي مرات ينكسر خاطري على روحي ، أحس حياتي متوقفه ..

تذكرت فرعون واجت حياتي ويا كلها بالي مثل الشريط سنتين صارن مثل الفلم گدامي ..

فكرت بيني وبين روحي گعدت أقنع بيها واسولف واتناقش ويا روحي بلكي اوصل لحل

صار الي سنتين ويا احنى ما متأقلمين وأربعة وعشرين ساعة عرك ومصايب وأحد ما يجرع الثاني ، زين لشوكت نبقى هيـچ ؟

يعني صار سنتين على هذا الحال رغم چـنت افتعل المشاكل في سبيل يبزع من عندي ويطلگني صحيح أنــه ما اگدر اتأقلم ويا وضعهم ولا حياتهم وحياتي تختلف جذريًا عنهم بس لازم أعيش ..

راح أبقى دافنه روحي بالمشاكل ويوميا متمرضه أموت قهر من المشاكل ما أحبهم وأنــه ويا صارت عدنه المشاكل روتين