جنون العقلاء

Part 28

#جنون_العقلاء
الكاتبة :- ساره جعفر
لا تنسون التصويت + التعليق بين الفقرات

حسابي الانستا
sara_jafar13
..

- هنيالك على الحلو الگاعد يمك .

شنـو اگول وشنـو احـچـي فرعون تخبل تخبل فقد بمعنى الكلمة سرع سرعة السياره حسيتها راح تنگلب بينه ولحگهم عرفت ما راح يعوفهم بحالهم ..

وراح يگلبها جهنم عليهم صار شي فوگ توقعاتي وخلاني بحالة ذهول ضل يميل السياره مالتنا على سيارتهم !

متتت من الخوف أكثر من مرة اجينا نسوي حادث والطريق فارغ مال السيارة بسرعة يريد يوگف بطريقهم

- اذا أنتَ زلمة اطبببببببگ

فزيت وعيوني نترست دموع اباوع عليهم واباوع عليه مرعوبه جريت أيده

- فرعون فدوة فرعون عوفهم يولووووون

ما رد ويباوعلهم حتى الطريق ما اهتمله گلت هسة نسوي حادث على السرعة مالته

ضل يرجف من العصبيه وعيونه صارن حمممر شراين البعيونه برزن عضلات فكة تتحرك بعصبية

همَ ماتو من الخوف الأول يسرع أقصى سرعة وصاحبه الگاعد يمه يحچـيله ويأشر فتهمت من حركته يگله أسرع

فرعون فر السياره شخطها شخط بحيث طلعت صوت جدًا عالي وكفها بنص الشارع وعرض الطريق ونزل من عدها مباشرةً بعد ما وكفها

شهگت وحطيت أيدي على حلگي توترت وصرت ما أعرف أتصرف المكان فارغ وماكو أحد علمود يصير حاجوز

وأنــه ما اگدر أنزل يلزكني بالحايط وحتى لو نزلت شنو اگدر أسوي أفضل شي أبقى هنا ما عايزني مشاكل

بقيت أدعي وارجف التفتت لورا وعلى اليمين واليسار ادور وأحد بالشارع ماكو الشارع يصوصي والدنيا تسمط سمط من الحر ..

التفتت عليه فتح باب السايق وجر الولد منه لفخة بكله طشر الدم من وجها هذاك بسرعة لزم وجها وضل يلوب من الألم