جنون العقلاء

Part 34

#جنون_العقلاء

الكاتبة : ساره جعفر

لا تنسون التصويت + التعليق بين الفقرات

ضيفو الحساب عُمري ♥️✨ .
sara_Jafar13

حيل مشتاق لوگتنا النحچي بي ومن اسألنك تحبني تگلي أي مگابل صورتك مابيها صوت حتى من اسألها ما تحچيلي شي .
...

آمين :- اختنگت من البـچـي عليها وعلى حياتها المريره والصعبة اشتعل گلبي نار عليها شلون تحـچـي بغصه وصوتها يرجف من تبـچـي ابـچـي وياها

لحد ما كملت كلامها بعد ما اگدر اختنگت عفت الجهاز وطفرت من مكاني أيدي على حلگي أركض للحمام تقيئت معدتي ضلت تفور فور من القهر

وگلبي ممرود مرد كل كلمة تحـچـيها أعيشها وياها من تأخذ نفس يلة تكمل كلامها اشهگ النفس شهك ، أخلي تأخذ وكت يلة تكملي لأن تموت من البـچـي

معدتي تشلعت من ورا التقيئ غسلت وجهي بماي بارد وعيوني مورمه رجعت للغرفة روحي مسحونه أول ما طبيت اجاني صوتها خايفة عليه

- آمين بيـچ شي ؟

جريت الجهاز :- لا مابيه .

غسق :- متت خوف عليـچ عبالي صار بيـچ شي الحمدلله

رجعت گعدت على الـچـرباية وامسح بوجهي بالشال وعيوني توجعني

آمين :- غسق

غسق :- عيونها حبيبتي

آمين :- رب العالمين ما يعوف حق مظلوم صدگيني راح يأخذ حقـچ من عدهم بطريقة تكزبر الجلد ..

غسق :- اشكيهم وأحد وأحد گدام ربي كل شخص ظلمني وطعن بيه رب العالمين يأخذ حقي من بين عيونه .

آمين :- ما يضيع حق مظلوم يم ربه ، زين ممكن سؤال أذا ما يسببلـچ إزعاج شلون قبلتي تشاركيني هيـچ أحداث مهمة وحساسة بحياتـچ ؟