#جنون_العقلاء
بقلمي :- ساره جعفر
لا تنسون التصويت + التعليق بين الفقرات
دَع ظليَّ الحائر
يبتعد وينفصل عن ظلّك
وسوف نلتقي يوماً ما
ولو كان بيننا أحد
فلن يكون هناك أحدٌ غير الله .
..
غسق :- أنتهيت .
رجال طويل وضخم ولد شاب واگف گدامي بستغراب رجعت لورا ، أهلي ورا يردون يكتلوني وهذا الشخص المجهول الي گدامي يريد يأخذني الهم !
باوعتله بخوف ونظرات استنجاد :- لا توديني ألهم
- ما فهمت ؟
- يردون يكتلوني لا تگلهم
- شني اگلهم منو همَ ؟ ليش يكتلونـچ ؟
عرفت ما يعرفني ولا وأحد قريب ألهم :- خوية تقبلها على رجولتك تعوف بنيه بنص الطريق ، راح يموتوني أهلي يردون يكتلوني
- ليش ؟
- أنقذني منا وكلشي اسولف الك
- منو يگول مو چذابه وتردون تلفقون علية تهمه ؟
- تشوف حالي مال تهمه وتلفيق ؟
باوعلي من فوگ لجوة بنظرات نشفت ريگي حسيته اخترقني من گد ما ركز بيه رفع راسه على أصوات أهلي العالية والصياح لأن وصلو الي وعبالهم هوَ الي شردت ويا
- اركضي
ركضت للمجهول ما أدري أذا هذا الشخص الستغاثيت بي راح يساعدني لو يأذيني صرت ما أثق بكل الناس همَ أذا أهلي يردون يكتلوني بدل ما يوگفون وياي باصعب موقف بحياتي ؟
أني انسانه تعيسة وما عندي أحد يحبني لدرجة بوگعتي ومن صرت بموقف لازم الكل يشيلني علمود اتخطى هذا الموقف الي دمرني وطبعًا مستحيل راح انسى بس فل نفترض
نركض سوى وركضه سريع بين الافرع والشوارع نطلع من فرع نطب بفرع اضيك ويخنك أكثر بين الركض وهم يركضون ورانه
ما گدرت وگفت وحطيت ايديه على ركبات رجلي فحطانه وجهي متعرق وأخذ النفس بصعوبه
لزم كـف أيدي وهمسلي :- ايدچ بأيدي ولا تخافين .
أنت تقرأ
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
