جنون العقلاء

Part 8

#جنون_العُقلاء
الكاتبة : سارة جعفر
لا تنسون التصويت + التعليق بين الفقرات .

ممكن متابعة لحسابي فضلاً وليسَ امراً sara_Jafar13
..

الشارع يصوصي والدنيا ظلمة الشارع مابي بشر عرفت الوقت متأخر وهسة نص الليــل ..

لأن طلعنا الدنيا ظلمة هيچ شوية وكشف الجو مـن هذاك البيت وصلنا للبناية الشمس طالعة ومن خلوني بالغرفة ما أدري بس حسيت بوكتها ظهرية ونمت

ذبيت روحي وجريتها نومــة عبالك صار سنين ما نايمة طلع عليــة التعب كلة لأن قبل لا تجي علينا الشرطة أنــه ما نمت

نصدمت مــن عرفت من الظهر لحد نص الليــل أنــه نايمة ؟

طلعت أركض مـن الفرع وصار گدامي الشارع العام أول ما طبيت بي طگ لايت سيارة قوي بعيني عكمشت وجهي وحطيت ايدي مقابيلي

واسمع صوت يصيح ورأي : وحشششش البنية نهزمتتتت!!!!

نزلت أيدي وفتحت عيوني بفزع وأنــه التفت على مصدر الصوت وأحد من جماعة وحش شافني..

صدت عيني على وحش واگف يم سيارة ولازم الجهاز يخابر وجها مابي تعابير ويباوع عليــة بنظرات ثابتة وثاقبة بدون لا يتحرك

التفتت وركضت بكل سرعتي أركض والهث وصدري يصعد ويهبط بطريقة سريعة لأن أريد اخذ النفس ماكو من الركض حتى الهوى ضاع وبطني موتتني من الوجع

أركض واتلفت مخروعة وأخاف لا أشوفهم ورأي حسيت رجلية ما لاحت الگاع من گد ما ركضي سريع وقوي، واركض بين الشوارع والفروع والدنيا باردة ثلج سيارات حيل قليلة واضويتهن تصير بعيني وأنـــه مستمرة أكمل ركضي..

سيارة واگفة مركونة ركضت عليها فتحت الباب وصعدت بسرعة وأنــه الهث وجهي متعرق وابلع بريگي

الرجال استغرب ويحچي وياي وأنــه ما اسمعلة كل شوية التفت لورة اباوع خاف وحش ورأي، التفتت وغمضت عيوني سرت ابتسامة سعادة على شفايفي وانتچيت لورة على الكشن واخذت نفس كلش طويل