جنون العقلاء

Part 31

#جنون_العقلاء

بقلمي :- ساره جعفر

لا تنسون التصويت + التعليق بين الفقرات ، تعليقاتكم تشجعني بأن أستمر ♥️ .

تواصل انستگرام
sara_jafar13

..

- ليش اجيت ؟

- حسيتــچ ضجتي واجيت وراچ .

- هههه لا على شنــو اضوج

- ثقي بالله ، ما نقصد شي بأسم غسق لا تضوجين ولو أدري الموضوع يغثــچ فلا حـچـيت بي كلشي ولا زعلـچ علوية

- لا شعلية .

- راح احچـيلــچ بكل صراحة وداعتـچ لا ازود ولا أنقص ولا بحرف ..

فرعون مرة نسى جهازه يمنه واجه إتصال من رقم ومكتوب عليه " غسق "

ما أريد اجذب لو اطعن بشرف البنيه لأن ما أعرفها ..

لزكنه اله بهل أسم علمود نضوجه لا أقل ولا أكثر وهو يكره الملحه بس هذا السبب علوية .

عضيت شفتي أكتم الدموع الي تريد تنزل من عيني هزيت راسي وجبت المواد الي أريد ألف بيها الدولمه حطيتهن على الطاولة وگعدت علمود ألف ..

- علوية يعني تتخيلين لو هاي مرة تخص فرعون راح اسكتله من اشوفه يخونـچ ؟ ترى أنتِ عزيزة علية ولو أعرف بي مجرد حط عينه على بنيه العب بي لعب والله

حفرت الباذنجان بالسجينه واحچـي بعدم مبالاة بس گلبي يحترگ من الداخل :- أكثر من مرة حچـيتو بأسمها ومتأكده مية بالمية وحدة تخص فرعون .

اجه گعد گدامي يحـچـي بتفهم :- ثقي بالله لو مجرد أعرف بي صدگ عده نسوان تخصه ما راح اسكتله ، واخلي يحلم يشوف طرف ثوبـچ

رفعت عيوني اله :- يعني توگف وياي ؟

- أنــه من احـچـي كلمه أكون گدها وگتلــچ أنتِ اختي برأيـچ أكو أخ ما يسند أخته ؟