a reason [gay]

[٨]

vote+comment?

الألفاظ ⚠️.

وصف بسيط دموي.

..

حاسس بارتجافه ركزت بنظراته ومش عارف افسر اي ملمح له بس صار يبتسم بشكل غريب مخليني اشك انه لبسه جني بهالثانية.

"يزن" ناديت باسمه بس كان سارِح، لوحت بكف يدي قدام وجهه..وضعه مش طبيعي يرجف وبنفس الوقت مبتسم؟

انصدمت لما سمعته يتكلم بحكي مستحيل يحكيه بشري عاقل "انا متحمس زياد حاسس الحياة وردية"

رسبن بكوكب زمردة بالغلط؟ "فهمني ايش صارلك؟ في قنبلة انحطت قدام عيوننا بالمجسم هظاك وانت بتحكي الحياة وردية؟"

"انت ايش مفهمك؟ كل اشي بِوصل لايدي بدون ما اخطو خطوة حتى" المخدر اثر عليه بشكل واضح لأني صرت زي الغبي مش فاهم اشي عليه.

تطلعت بفقدان امل للمجسم، هاي المرة لازم اوقف القنبلة قبل ما تنفجر..زودها كثير هالمجهول.

كيف راح ابعد هالناس الي تصور عن المجسم، نطقت بدون انتباه"يزن"

حسيته رجع طبيعي، وتكلمت"بتعرف تفك القنابِل؟"

"بجرب" على الأغلب القنبلة راح تنفجر بوجوهنا، بس كلها مرة "طيب لا تبيّن للناس انه فيه قنبلة"

"وصح" التفت له وانا ارفع الوشاح لوجهه اغطي فيه كل وجهه الا عيونه، ولما شفته بهالشكل طرى ببالي ابو العيون الخضر.

بس زياد هم شخصين مختلفين مستحيل...مش بهالسهولة راح الاقيه.

غطيت من وجهي معه ومشيت لنص الساحة والي كان فيها المجسم الي ما يعني اي اشي بس الناس تصوره لأنه موجود.

قرب مني وهو يتكلم "احنا ليش متخفيين؟"

"عشان أسامة ما يخرب الدنيا ونروح كلنا ضحايا انفجار" اومأ لي وهو يقرب من المجسم يتفحصه قدام الناس وانا وقفت وراه "خبيها بجاكيتك"

هو اكيد قاعد يراقبنا نخرب كل خطته بالانفجار ولازم يظهر بأي لحظة، مشيت ورا يزن بعد ما لاحظت اختفاء القنبلة من المجسم.

راح لمكان فاضي نوعا ما وجلس عالأرض وانا جلست جنبه، ايش فيه يعامل القنبلة كأنها سندويشة؟ ماسكها يتفحصها بكل جوانبها.

"ايش؟ عندك خبرة ولو شوي؟ لو انفجرت انا وانت اول الضحايا" سألته وهو نزل الوشاح عن وجهه وتركيزه مش معي.