a reason [gay]

[١٩]

vote+comment?

الألفاظ⚠️.

⚠️عُنف⚠️

..

..:"زياد ابعد عن ابوك باقرب وقت، انت لازم ترجع لأحضاني"

اعصابي تالفة من هالألاعيب التافهة "ابوي ايش عامللك؟ الاعيبكم خلص وقفت ما في اكثر من هيك"

..:"بس زياد انا امك" ضغطت عالجوال اقوى وانا ارد عليها "واذا ابوي الثالث كمان؟يكفي الاعيب"

سكرت الخط بوجهها وانا احط الجوال الغريب بيد سوار اضغط على يدها "انتِ كمان ضمن هالخطة؟ ودكم اقلب ضد ابوي؟ لا تفهموني او تفسروا لي اي اشي"

"زياد ليش انت مش فاهم؟؟ شغل هالعصابات كله غلط..امك هربت زمان من هالمختلين"

"وهاظ الحكي من وين جبتيه؟" سكتت وهي تتطلع بيزن ورجعت تتطلع عليّ "محمود ساعدني بكل هالمعلومات"

صدمتهم بسبب ضحكتي خلتني اتأكد انهم مش بعقلهم"بتصدقوا واحد كان خاطفني من ابوي؟ انتو بعقلكم؟"

"زياد انت الي مش بعقلك، هو وابوك كلهم مختلين ومحمود على وشك ينقتل وام..." كنت بمد يدي عليها لولا يزن الي مسك بيدي، رجعت ضحكت وانا اراقب بوجهه.

"انت كمان معها؟ مش عارف كم مرة ودكم تنسبوني لأحد غير" حاولت افلت يدي من يده بس كان ضاغط عليّ نظراته تحرقني.

وسوار كانت ساكتة ونظراتها بالأرض، ويزن ما غير يرجع يتطلع فيها فلتت يده بالقوة وانا اقوم عن السرير طالع من الباب.

متوجه لمكتبه وواحد من الحراس حول بابه نطق "استاذ زياد الرئيس مشغول بـ..."

قربت بينهم وانا افتح الباب عليه، بينت ملامح الصدمة عليه بالبداية ولما استوعب ابتسم لي "زياد؟، اقعد ولدي"

"يبه"

"خليني اخلص من هالمكالمة بس" قاطعني وهو يرد ع مكالمة وانا كنت مركز اكثر من اي مرة معه.

"اعملوا الي حكيت لكم عنه، لا اعملوه هسا البلد محتاجنا..انتو كملوه وبس" البلد؟ شاغل منصب حكومي بنفس الوقت الي يكون فيه هنا؟

قفل المكالمة وهو يجلس ويتطلع فيني مع ابتسامته الي ترتسم على شفايفه"غريب، جيت لحالك تحكي معي بدون ما استدعيك"

"يبه فهمني كل اشي، بِدي افهم كل حياتي من اول ما جيت على الدنيا..امي اخواني؟" سألته بسرعة وهو صار يبتسم على سؤالي، ما لاحظت اي توتر على وجهه.