The Deathtrap

73 පරිච්ඡේදය

[Refers to chapter 56 last scene]

"තමුසේ මොකක් ගැන ද කියන්න යන්නේ?"

යේන් ඇසුවේ ඩැනියෙල්ගේ එම ස්වරූපයේ ඇති නුහුරු බව නිසා ම ය.

"කියන්නෙ ද? කියන්න ඕනේ එක තමයි මං දැන් කිව්වේ."

ඩැනියෙල් නැවතත් ඔහුගේ සැරයටිය වෙත නෙත් යොමු කර ගත්තේ ය.

"මං කුමාර්ට ඒ කාලෙම කිව්වා ඔයාව ඒ මිනිහා ගාවට ගිහින් දාන්න එපා කියලා. කොහෙ ද ඇහුවේ නෑනේ. මේක තමයි final result එක. Golden boy of our family is wrecking havoc! මං හිතුවා ඒ මිනිහගේ කරදරේ ඉවර කළායින් පස්සේ මේ ප්‍රශ්නේ ඉවර කර ගන්න පුලුවන් වෙයි කියලා. දැන් බැලුවාම අවුරුදු ගානක් ගිහිල්ලත් ඒ මිනිහා තාම වද දෙනවා. හැබැයි එදා මං ගත්ත desicion එක හරියට හරි. අද ඒ මිනිහා හිටියා නම් ශාක්‍ය එක මීට කාලෙකට කලින් bankrupt වෙන්නේ! ඊට කලින් මට ඒ bug එක අයින් කරන්න පුලුවන් උන එක නම් ලොකු දෙයක්....."

මෙවර ඩැනියෙල් හිස ඔසවා යේන් දෙස බැලුවේ ඔහුගේ අසාමාන්‍ය නිහඬතාවය හේතුවෙනි. ඔහුගේ යක්ෂයා ඇවිස්සී ඇතත් තමන් ඉදිරියේ ඌ යක්ෂ පැටවෙකු පමණි.

"මොකෝ silent?"

යේන් දෙස බලාගෙන ඩැනියෙල් නැවතත් ඇසී ය. යේන් තවමත් නිහඬ ය.

"මට තේරුම් ගන්න පුලුවන්. මං දන්නවා ඒ මිනිහගෙ මරණෙට ඔයා කාලයක් මාවත් සැක කරගෙන හිටියා කියලා. Well, මං තමයි ඒ kidney එක දෙනවා කියපු මිනිහව dissappear කෙරෙව්වේ. මට මතක හැටියට.... ඒ කාලේ... ඒකට ලක්ෂෙකට වඩා ගියෙ නෑ. ඒ මිනිහට ඕනේ වෙලා තිබ්බ එකම දේ සල්ලි. ඌ සල්ලි නැතුව අන්තිමට ඇඟේ කෑලි පවා දෙන තරම් situation එකක හිටියේ. ඕකට කුමාර්ට මගෙන් කිසිම financial help එකක් හම්බුන්නෑ. කුමාර් දෙන්න පොරොන්දු වෙලා හිටියේ එයාගේ සල්ලි. හැටක් හෝ හැත්තෑවක්. ඒ ගානට තමන්ගේ kidney එක දෙන්න හිටපු මිනිහට මං කෙලින්ම ලක්ෂයක් offer කළා. That's it. ඌ සල්ලි ටික ගත්තා, වාෂ්ප උනා. අන්තිටම දීපු මටවත් හොයා ගන්න බැරි උනා ඌ අතුරුදන් උනේ මොන ලෝකෙ ද කියලා."

ඩැනියෙල් කතාව නවත්වා නැවතත් යේන් දෙස බැලුවේ ය. ඔහු යේන්ගෙන් ප්‍රතිචාරයක් ලැබෙන තුරු බලා සිටින අයුරකි. හැඟීම් විරහිතව ඩැනියෙල් දෙස බලා සිටි යේන් කතා කළේ මලානික ස්වරයකිනි.