البارت الخامس
************************************
صعد فوق وسمع صوت ناعم ورقيق جاي من الصاله استغرب ودخل للصاله تجمد مكانه من الحوريه اللي قدامه
( جسم رشيق وناعم بفستان أحمر بذهبي قصير لتحت الركبه وشعر كستنائي كيرلي لامع للكتف مثبته فيه ورده حمرا بنعومه تمشي في الصاله برشاقه ونعومه ودلع باستقامه وأناقه ولا عارضة أزياء) تحكي في الجوال بصوتها الناعم والرقيق : أوكيه أحاكيك بكره إن شاء الله أنا مشغوله اللحين ... سلمي ع الوالده باي
فصلت الشاحن وأخذته لفت واشهقت لما شافت رعد
رعد فتح فمه بذهول لما شاف وجهها الملائكي انتبه ع نفسه لما ركضت لميس للغرفه
رعد "هذي بشر وإلا ملاك "
طلعت لميس لما سمعت صوت باب يتسكر وطيران لتحت كان وجهها أحمر من الإحراج
ريم : وينك إنتي
لميس مرتبكه : ها (رفعت الشاحن بايدها) رحت أجيب هذا أم أمل تبغاه
رنا طلعت من الصاله : ريم وين رعد
ريم : صعد فوق ياخذ شور
لميس بلمت "يعني اللي شفته فوق رعد "
أمل جت تمشي : لموس جبتي الشاحن
أخذته من لميس وأعطته أمها
رجعوا للصاله وجلسوا مع البنات
سميه تحاكي لميس تبغى تقهر دلال اللي ذبحتهم وهي تمدح رعد وتدلع في كأنه زوجها مو خطيبها : لميس شفتي رعد
لميس ارتبكت بس مابينت : لا
سديم : لو تشوفينه تخقين
دلال تناظر لميس نظرات قويه بغيره : وليش تشوفه لاهو زوجها ولا خطيبها
ريم : ولد عمها ولا عندك إعتراض
دخلت أم رعد : ريم
ريم : هلا
أم رعد : روحي جيبي من البخور اللي في غرفتي
(أم رعد ماتترك الخدم يدخلون غرفتها وإذا بغت شيء تطلب بناتها)
ريم قامت : أوكيه
لفت ع لميس بتقهر دلال لأنها تعرف إن رعد فوق : لموس تعالي معاي
دلال بقهر : وليش تروح إنتي ناسيه إن رعد فوق
ريم ماردت عليها وطلعت مع لميس
دلال انقهرت تحكي مع رنا : شوفي أختك تاخذ لميس معاها ورعد فوق
رنا : عادي أصلا لميس ما تتغطى إنتي ناسيه إنها جايه من بريطانيا ولاتعرف الغطى
دلال انقهرت وجلست ع أعصابها
عند الدرج لميس مارضت تصعد فوق : لا ما أبغى
ريم : ليه
لميس : لا مالي خلق مشاكل مع دلال روحي إنتي
راحت ريم ولميس دخلت للمطبخ كانت أول مره دخلت انبهرت بشكله كبير وواسع ومليان خدم فتحت الثلاجه وطلعت جيك المويه وصبت لها بكاس .. دخلت منيره بنت خالة ريم وأخت عمر زوج رغد : لميس وش تسوين
لميس ابعدت الكاسه عن فمها : أشرب مويه
منيره ابتسمت : كان خليتي وحده من الخدامات تجيب لك
لميس ابتسمت : لا عادي
منيره حكت الخدامات وطلعت
لميس خافت تقول لأم رعد وتهزئها "أففففف طيب أنا طفشانه أبغى أتمشى "
طلعت لميس وشافت ريم نازله
لميس : جبتيه
ريم : أيوه
عطته الخدامه تعطيه أمها
ريم قربت إيدها لأنف لميس : شمي الريحه
لميس : إممم حلوه
ريم تشم إيدها : مره حلو مارح أغسل يدي عاجبتني ريحته
طلعت عليهم أمل : إنتو هنا
ريم باستهبال : لا هناك
أمل : بايخه
لميس : ههههههه
أمل ضحكت : هههههههه فاتكم شكل دلال لما طلعتوا مقهو و و و ره
ريم بقرف : أحسن شايفه نفسها ع إيش مادري تفكر أخوي ميت عليها
استغربت لميس : ليه رعد ما يبغاها
ريم بلا مبالاه : أتوقع خلينا منها وامشوا ندخل
دخل فهد يركض : ريم
ريم : أيوه
فهد : وين رعد الرجال ينتظرونه
أمل تستهبل : ليه معرس هههههه
فهد عفس وجهه : ما تضحكين
مدت أمل لسانها بشكل طفولي وفهد عفس وجهه بقرف
ريم ضحكت لما شافت شكل فهد : هههههه بس عاد يا أمل كنك بزر ياحبك لمعانده
أمل مسكت خدود فهد : لأني أحبه هههههه
فهد أبعد إيدها عنه : وأنا ما أحبك
وراح يركض
لميس : هههههههه
أمل : وجع أخوك ما ينحب
ريم : مو توك تقولي أحبه
أمل لفت تمشي للصاله : غيرت رأيي
دخلت للصاله و وراها لميس وريم
ريم دق جوالها : هلا
رعد : سوي لي طريق بنزل
ريم : أوكيه
طلعت ومالقت أحد ودقت عليه نزل رعد لابس ثوب أبيض وغتره بيضاء وجزمات سود وريحة عطره القويه تسبقه
ريم تصفر : يا ا ا ا ا ا ا ا عذا ا ا اب
رعد ضحك ويداعب أنفها باصبعه : هههههه مو أحلى منك
ريم حطت إيديها ع خدودها : يو و و و و ه ترى أستحي
ضحك وطلع للرجال
أنت تقرأ
رواية جرحني و صار معشوقي
Lãng mạnرواية جرحني و صار معشوقي / بقلم **رسمتك"حلم** منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
