رواية جرحني و صار معشوقي

البارت الثالث و الخمسين

البارت الثالث و الخمسين

************************************

طلعوا البنات برى عند الحريم
وجلسوا معاهم

سديم كانت تحاكي أمها لما التفتت للبنات وإنصدمت لما شافت نظراتهم مصوبه عليها كأنه شيء غريب قدامهم

قالت بقوه : خيــــــر
ضحكوا البنات .. وسديم عصبت منهم لأنها فهمت قصدهم
وشهد مبحلقه عيونها فيها تبغى تعرف إيش السالفه
شهد : شفييكم

ناظرت فيها سديم براحه .. الحمدلله إنها ما تعرف وإلا كان فضحتهم

جتهم دلال تمشي بدلع : ها ا اي
الجده بتكشيره : وعليكم السلام وشو هذي هاي .. سلمي سلام المسلمين
البنات كتموا ضحكتهم ع شكلها

دلال كشرت بضيق من هالعجوز اللي كل شوي مفشلتها
ناظرت في المكان تدور لها مكان تجلس فيه وطاحت نظراتها ع لميس
ناظرت فيها بنظره غريبه وبغرور .. كشرت لما مالقت مكان إلا عند الجده وإضطرت تجلس فيه

بين سوالفهم .. دق جوال الجده
قعدت تحوس لين طلعته من جيبها .. بعد ماسكرت

الجده وهي تتلفت حولها : رعد يبغى الشنطه بقيس سكر أبو محمد الظاهر إنه نسى حقته
دلال ماصدقت وخطفت الشنطه من جنب الجده قبل توصل لها يدها : أنا بعطيها له

وقامت مشت مبسوطه لأنها لقت شيء يخليها تقابله وتقهر لميس
وقفت لما أعترضت طريقها لميس وهي تاخذ الشنطه من يد دلال : أعتقد إن رعد متزووج
وناظرتها نظره قويه و راحت

الكل قاعد يطالع الموقف وعجبهم ردة فعل لميس
أما دلال كانت مصدومه ما توقعت لميس بتسوي كذا .. ومفتشله وميته قهر

الجده : إجلسي يادلال .. وإنتي يا ام عبدالله المفروض ما تخلين بنتك تطلع كذا عند الرجال .. هو مو محرم لها
أم عبدالله إنقهرت من تصرف لميس وكلام أم محمد وما تدري
إيش تقول : إ .. إيه عادي ما فيها شيء .. كانت قريبه من عندك وإخذته .. وبعدين رعد متعود عليها وهي متعوده عليه .. ما فيها
شيء

الجده : لا فيها .. الرجال متزوج .. زوجته فيه وخواته فيه .. و عيب
تطلعله ولا يجوز بنتك كبيره مو بزر .. مثل ما تغطت عن غيره تتغطى عنه وإلا الغطا ع كيفها

أ م عبدالله تفشلت وفضلت تسكت لا تطيح وجهها زياده .. دلال نفسها تخنقها .. وضاع وجهها قدامه .. قامت من مكانها بغرور و راحت

البنات يناظرون بعض ويتبسمون بردت كبودهم الجده

سميه تهمس بحماس : وه بس كفوو أم محمد .. بردت كبدي .. ودي أقوم أبووس راسها
ضحكت ريم وهي تقول : إهجدي بس