البارت الرابع
************************************
في المستشفــــى:
لميس طلعت من الحمام وتحس بملل وطفش "أف متى يجي العصر تجي ريم والله إنها حبوبه حبيتها كثير"
تمشت في الجناح لأن أبو رعد مارضى إلا تكون في جناح خاص
سمعت صوت الباب ولفت لقت ريم ومعاها رغد دخلوا : السلام عليكم
لميس ابتسمت بفرح : وعليكم السلام
ضمتها ريم : كيفك اليوم
لميس : تمام الحمد لله
ريم : ليش قايمه من السرير
لميس : طفشت منه
رغد : إحم .. إحم .. نحن هنا
ريم ضحكت : سوري .. نسيت أعرفك هذي رغد
لميس ابتسمت وسلمت عليها
دخل فيصل : إحم .. إحم .. السلام عليكم
لميس ابتسمت لما شافت فيصل لأنها لما تشوفه تشوف عمرها اللي فقدته (رامي)
جلست ع سريرها وجنبها ريم
فيصل : كيفك اليوم
لميس : تمام الحمد لله
رغد جلست ع الكرسي : إجلس فيصل ليش واقف
ابتسم : لا سوري عندي كم شغله لازم أخلصها .. تامرون ع شئ
ريم : سلامة قلبك
فيصل بضحكه : والله لو عارف إني لما أجيبك للميس يطلع منك كل هالكلام الحلو كان جبتك كل ساعه
ريم تخزه : أجل ضف وجهك
فيصل : هههههه هذي ريم اللي أعرفها
ضحك وطلع ولميس ورغد ضحكوا وريم إغتاضت
سولفوا مع بعض وانبسطوا لميس انبسطت مع رغد لأنها تنحب مثل ريم بس رغد خجوله وثقيله شوي مو مثل ريم راعية استهبال
بعد وصول أبو رعد والباقي طبعاً غير رنا طلعت لميس معاهم للبيت
****************
في بيت أبو رعد:
انبهرت لميس من روعة البيت وتصميمه وذوق الرائع في ترتيب الأثاث واختيار دخلت غرفة ريم وعجبتها الغرفه لونها وردي وكبيره أثاثها فخم وراقي وفيها غرفة ملابس مفتوحه ع الغرفه وحمام
ريم انا : ها إن شآءالله عجبتك غرفتي
لميس بابتسامه : روعه
ريم : عاد اللحين صارت غرفتنا خذي راحتك فيها
لميس : بس أخاف أثقل عليك
ريم : لا تقولين كذا إنتي بنت عمي وفي عيوني وأنا أبغاك تشاركيني فيها علشان ننبسط مع بعض
ضمتها لميس بصوت مخنوق : Thank you Reem
أبعدتها ريم عنها : هذا وقت أفلام هنديه (وبتهديد) وترى شوفي إذا بتقضينها معاي أفلام هنديه ترى برجع في كلامي
ضحكوا وجت عندهم الخدامه تخبرهم ينزلوا تحت
دخلت لميس للحمام تاخذ شور ولما طلعت لقيت ريم مجهزه لها ملابس من ملابسها انحرجت لأنها ماتقدر تلبس ملابسها اللي كانوا عليها وما معاها غيرهم أخذت اللبس وشافت فيه الإسكترات يعني اللبس جديد لبستهم وكانوا تنوره لنص الساق بنيه مكسره وبلوزه بيضاء عليها كتابات بنيه بأكمام طويله استحت تنزل وجلست ع السرير
دخلت ريم : واو و و و يهبل عليك
لميس باحراج : مشكوره ريم بس أنا إبغى أروح لبيت أم هدى بجيب ملابسي وأغراضي مابغى أثقل عليك زياده
ريم فهمت عليها : ترى بزعل منك إذا عدتي هالكلام هذا و إذا على أغراضك نروح نجيبها ولايهمك ويالله ننزل أبوي تحت
نزلوا تحت في الصاله وكان الكل موجود ماعدا فيصل
سلمت رنا ع لميس ببرووود وجلست
أبو رعد بحنان : كيفك اللحين
لميس بخجل : تمام الحمدلله
أبو رعد : إن شاءالله ترتاحي هنا وترى البيت بيتك
لميس بخجل رفعت راسها تطالعه : ما تقصر يا عمي الله يطول في عمرك
أبو رعد لف وجهه لريم : ريم اليوم روحي للسوق مع لميس وخليها تشتري اللي ناقصها
لميس باحراج : لا ياعمي أنا .....
قاطعها أبورعد : هذي فلوس أبوك من حقك
ريم : ماعليك يبه بنروح إن شاءالله
عادل : ههههه والله وأخذتي الجو كله يا لموس
رنا بهمس : مو هذا اللي تبغاه
سمعتها لميس وانحرجت لأنها تقصد إنها داخله عندهم ع طمع بس هي ماتبغى فلوس تبغى تكون وسط أهلها
أبو رعد خز رنا بنظرات سكتتها وقام وطالع ساعته : يالله مابقى شيء ع الطياره لازم أمشي
سلم عليهم وطلع
أنت تقرأ
رواية جرحني و صار معشوقي
Storie d'amoreرواية جرحني و صار معشوقي / بقلم **رسمتك"حلم** منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
