رواية جرحني و صار معشوقي

البارت الخمسين

البارت الخمسين

************************************

غمضت عيونها و دموعها تساقطت وبللت مخدتها .. وحكيه
يتردد في راسها

هو ما يحبها لو يحبها ما كان أجبرها إنها تتزوجه .. هو تزوجها
علشان ينتقم منها .. أو عناد فيها لأنها فضلت بسام عليه

بس هذا غصب عنها .. تكرهه و ما تطيقه .. كل شيء فيه تكرهه
أخلاقه زفت واللي أثبت هالشيء اللي سواه اليوم واللي قاله
ماتبغا ا اه تتمنى كل شيء صار حلم وتصحى منه .. من يحس فيها ويساعدها

قلبها غصب تعلق في بسام
وحبه .. وما إختاره هو
آآه يا بسام ياترى للحين تفكر فيني وإلا كرهتني
ناظرت في شاشة جوالها وهي
تمسح دموعها وشافت مكالمات البندري

مو قادره تحاكيها أو تحط عينها في عينها
بعد اللي صار خصوصا إنها كانت عارفه بحبها لأخوها
رمت جوالها ودفنت وجهها في مخدتها تبكي

خسرت حبها وعشقها .. وخسرت صديقتها .. وإنكتب مصيرها
مع شخص تكرهه وضدها

*************

فتحت عيونها وقامت جالست بسرعه لما شافت نفسها ع السرير
إنتفضت لما حست بيده ع كتفها وهي تبعدها عنها وتناظر فيه
بخوف وإيدها شاده ع اللحاف

عقد حاجبه باستغراب : تولين شفيك
قالت بارتجاف : مـ مافيني شيء
ناظرها بحيره : ليه خايفه
قامت من ع السرير بسرعه وهي تقول : مو مو خايفه

ناظرها وهي تطلع من الغرفه بحيره .. من خوفها منه
لما يكون قريب منها .. ليه

ناظر في الساعه وقام بسرعه لأنه تأخر

غطت وجهها بإيديها المرتجفه وهي تحاول تضبط أنفاسها
هذا مو ريـــــــان ياتولين مو ريـــــــان
تنهدت بقوه وراحت تبدل ملابسها

نزل تحت وشافها جالسه جنب
ريم وما ناظرت فيه
أخذ كوب كوفي وطلع

**************

: بس يمه مايمديني أجهز
أم خالد : يمديك يمه .. إذا طلعتي كل يوم للسوق بتخلصين بسرعه
قالت بارتباك : لا يمه .. وبعدين رهف بتولد يعني ما راح تحضر
الزواج وساره مسافره .. أنا أبغى خواتي معاي

أم خالد : رهف لسى ع ولادتها وحتى لو كانت ثقيله و بشهرها
الأخير أكيد بتحضر و ساره بترجع قبل الزواج .. يعني مافي حجه

سكتت بضيق .. زواجها في نهاية الشهر .. وبيكون واقع
قامت لغرفتها وحابسه دموعها جلست ع طرف سريرها
ونظراتها ع دبلتها