البارت الواحد و الخمسين
************************************
واقفه قدام المرايا ونظراتها ع فستانها الأبيض بتصميم فرنسي
وطرحتها البسيطه تسريحة شعرها .. مكياجها
الناعم .. كل شيء فيها نعومه
تنهدت وهي تطرد فيصل عن
بالها وتحط قدامها طلال وبس
لفت للباب اللي إنفتح وإبتسمت لما شافت سميه داخله وخلفها
سديم
سميه : كللللللللوووش ألف ألف مبرو و وك أمووله
ضمتها بخفه وهي تقول : الله يبارك فيك
سديم : قولي لها عقبالك علشان تستانس
ضحكت أمل وهي تقول لسميه : عقبالك
ضحكت سميه وهي تقول : آآمين
سديم : شفتي إختي ماتستحي مشفوحه ع العرس .. والمشكله راكانوه أربع وعشرين ساعه عندنا
سميه : حرام عليك يجي شوي حتى ماتتعدى ساعتين
سديم : وساعتين شويه .. أتوقع بعد لو مايجي يوم بتنجلط إختي
ضحكت أمل وسميه ضربت سديم : وجع لا تفاولين إن شاءالله يجي كل يوم
سديم : والله ع بالي تهاوشني لأني قلت بنتنجلط أثاريها خايفه ع حبيب القلب مايجي
إنفتح الباب وشافوا ريم داخله
إختفت إبتسامتها لماشافت اللي دخلت خلفها
سلمت عليها ريم ونظراتها ع اللي واقفه جنبها وإبتسامتها
ع وجهها
ريم : هذي تولين زوجة فيصل
رمشت بعيونها وهي ترسم
إبتسامه ع وجهها .. وعقلها يردد
توليـــــــن زوجـــــــة فيصـــــــل
زوجــــــــــــــة فيصـــــــل
تحس بشيء داخلها يآلمها
سلمت عليها و رجعت تولين وقفت جنب ريم
بعدها دخلوا عندها البنات يباركون وهي مو قادره تشيل
عيونها عن تولين .. كيف عاد فيصل
طردت الأفكار عن بالها وحاولت
تنسى كل شيء
*******
جلسوا حول طاوله ورشا تقول : وينها تولين
دلال ونظراتها تبحث عن لميس : مادري
رشا لمحت ريم تمشي في الممر ومعاها وحده ماعرفتها : مين اللي مع ريم
دلال : مادري
دققوا النظر وناظروا بعض بدهشه : توليـــــــن
ريم : السلام عليكم
ناظروا فيها مومصدقين إن هذي تولين : هلا
ريم ماكانت تبغى تروح لهم بس تبغى تقهر رشا
سلموا ومشوا تاركينهم
رشا : بنت ال... شفتي كيف شكلها .. مستحيل فيصل بيرجع يناظرفيني .. وهذي عنده
دلال : إنتي غبيه كان ماعلقتي ع شكلها المره اللي راحت
إنقهرت رشا وقالت : مو مهم الشكل المهم تصرفاتها
أنت تقرأ
رواية جرحني و صار معشوقي
Lãng mạnرواية جرحني و صار معشوقي / بقلم **رسمتك"حلم** منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
