البارت السابع و الأربعين
************************************
سميه تناظر رشا بتقهرها : فيصل ولد عمي خطب بنت أبو مرام الـ ..... قبل شوي
الكل ناظر في بعض باستغراب وناظروا رشا اللي تناظر في
سميه بصدمه
سديم : إنتي متأكده
سميه : طبعا .. روحي شوفيهم فرحانين ويباركون
وقفت رشا مفجوعه : إنتي كذابه
سميه رفعت حاجبها باحتقار : لا حبيبتي روحي تأكدي بنفسك
طلعت من عند البنات تركض
ولحقتها إختها دلال
وقفوا مصدومين لما شافوا أمهم
واقفه قدام خالتهم وشكلهم متخانقين وأمها معصبه
ناظرت فيهم أمهم : يالله لبسوا عباياتكم بنمشي
وأم رعد تحاول تهديها وماتدري إيش تسوي
رشا متجمده مكانها وتحس إنها
بحلم مو مصدقه اللي يصير
سحبتها دلال سحب وطلعوا
*********
أمل إنصدمت لما عرفت إن فيصل خطب تولين بالتحديد
صحيح إنبسطت إن رشا ما أخذته .. بس فكرة إنه لغيرها
تأرقها .. مع إن هالشيء أكيد بيصير دامها تزوجت بس موقادره تمنع نفسها من الحزن بس أكيد راح يكون هالشيء إيجابي للمسكينه تولين
إنتبهت ع سديم : بصراحه مو مصدقه إن فيصل خطب تولين اللي تقولون عنها
لمياء : ههههه والله ما ضحكني إلاشكل رشا لما عرفت .. عيونها
كانت بتطب داخل كاس العصير اللي قدامها من الفجعه
رهف : إستغفرالله لا تتشمتين
لمياء : والله هذي حوبة اللي سووه في سميه والحكي اللي يرمونه عليها
رهف : حتى ولو لا تتشمتين
لميس صحيح فرحت لما فيصل ماراح ياخذ رشا وخطب تولين
إلا إن عقلها عند ريم اللي حابسه نفسها بغرفتها
*******
شد قبضة إيده ع الدريكسون بقوه وهويسمع بكا إخته:رشا خلاص إنطمي
رشا ببكا : ليه يخطب وأنا وأنا يمه
أم عبدالله : لاحول ولاقوة إلابالله
رشا : آآآه ليه ليه .. يخطبني ثم يخطب وحده غيري أنا مو لعبه آآهى حرام يمه مستحيل
دلال بقهر : أصلا عيال خالتي شايفينا لعبه عندهم يلعبون فينا
يخطبوننا ثم يرمونا ويتزوجون غيرنا .. رخيصات عندهم .. شايفين نفسهم علينا وإذا صاروا أغنياء وعندهم ملايين
يعني يلعبون في بنات الناس .. أول شيء أنا والحين رشا
كأن ماعندنا أحد يوقف في وجيههم
خلونا مضحكه للكل .. الناس قامت تحكي عنا وتقول أكيد
فيهم شيء أجل ليه عيال خالتهم عافوهم
خواتهم مايرضون عليهم بكلمه أما إحنا عادي
أنت تقرأ
رواية جرحني و صار معشوقي
Roman d'amourرواية جرحني و صار معشوقي / بقلم **رسمتك"حلم** منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
