رواية جرحني و صار معشوقي

البارت التاسع عشر

البارت التاسع عشر

************************************

دخلت ع أمها و معاها مجلة أزياء : يمه
ناظرتها أمها بابتسامه : هلا والله بالعروس
إبتسمت بفرحه وجلست جنب أمها والمجله ع رجولها : شوفي يمه شرايك بالفستان هذا
ناظرت الفستان : يهبل يمه
دلال بفرحه : بفصله لملكتي
دخلت رشا وشافتهم جالسين جنب بعض و معاهم المجله راحت لهم : بديتي تدوري فستان
دلال : طبعا
رشا ناظرت الفستان وعقدت حواجبها : بس مو كنه مفتح مره
دلال رفعت حاجبها : عادي حبيبتي أنا أبيه كذا أبغاه ينهبل علي وما يشيل عينه عني
رشاضحكت : ياجرأتك
دلال بدلع : إذا تبين شيء خليك جريئه علشان تحصلين عليه ... (غمزت لها بخبث) عاد وريني إيش بتسوي إنتي

رشا فهمت قصدها وضحكت
أم عبدالله : شفيكم
دلال : ولا شيء .. ها يمه شرايك حلو صح بس بحطه بعد أحمر ..(غمرت لرشا بخبث) لزوم الإغراء
ضحكوا وأمهم إبتسمت عارفه خبث بنتها ومبسوطه منها ..ل أنها تبغى تعيش حياة مثل حياة أختها في عز وغنى..

*************

دخلت ع أمها بالغرفه معصبه : يمــــــه
أم رعد : خير شفيك
ريم مقهوره : صدق اللي سمعته .. حددتوا ملكة رعد مع هاللي ما تتسمى
أم رعد : أيوه حددناها ... و إحترمي دلال و إنطقي إسمها زين هذي بتصير زوجة أخوك
ريم : يعني خلاص بيتزوجها
أم رعد : أيوه بياخذها وقريب .. لا تفشلينا في الناس وزيني علاقتك معاها
ريم شوي تبكي من القهر : تخسي أزين علاقتي معاها أكرهها ما أواطنها أبد

طلعت من الغرفه و دموعها متحجره في عيونها : حرام والله دلالوه الحماره تصير زوجة أخوي ولا بعد رعد .. حرام ما تصلح له والله

دخلت ع لميس اللي جالسه تحاكي هند ولما شافت وجه ريم سكرت بسرعه : شفيك
ريم : تخيلي أهلي حددوا ملكة رعد ع دلالوه
لميس تفاجأة : والله
ريم جلست ع السرير : والله شفتي كيف
لميس بتعجب : So .. why you look sad و إنتي عارفه من زمان من خطوبتوها إنها خلاص بتصير زوجته
ريم بحزن : عارفه بس ماني قادره أتقبلها ولا أتقبل إنها بتصير زوجته .. توقعت بيصير شيء يغير كل شيء ولا ياخذها

راحت لها لميس و جلست جنبها : عاد هذا اللي بيصير لا تضيقين صدرك و حاولي تتقبليها (كملت بسرعه لما شافت نظرات ريم)
أنا ما أقول حبيها بس ع الأقل تقبلي وجودها

ريم تنهد بقهر : واللي قاهرني رنا تحاكي دلال و فرحانه لها ولا بعد متكفله فستانها و مكياجها و يخططوا إيش بيسوون
ضحكت لميس : طيب رنا صاحبتها  وإنتي عارفه إنها معاها
ريم بضيق : تكفين غيري السالفه
ضحكت لميس و سحبتها معاها و راحوا تحت للحديقه

************

دخلت عليهم في الصاله و قالت بهدوء : قوموا اجهزوا زوجة عمكم و بناتها بيجون اليوم