رواية جرحني و صار معشوقي

البارت الرابع و الاربعين

البارت الرابع و الأربعين

************************************

جالس ع كرسي مكتبه ويحس الدنيا ضايقه فيه .. وأنفاسه تختنق
فتح أزارير ثوبه العلويه وسند ظهره ع الكرسي
ناظر في الأوراق اللي قدامه والملفات اللي ع طرف مكتبه
غمض عيونه بتعب
وأخذ جواله ودق

جاله صوت بسام : هلا فيصل
لامست أصابعه جبينه : هلا بسام وينك إنت الحين
بسام : أنا الحين في طريقي للبيت
فيصل : طيب تقدر تمرني في الشركه
بسام : أوك أنا جاي

سكر بسام جواله وهو مستغرب من حالة صاحبته
من ملكة بنت عمه وهو ذابح نفسه بالشغل
لدرجة إنه ما صار يشوفه كثير
يمكن هذي طريقه علشان يقدر ينساها أو حتى مايفكر فيها

********

ناظرت في جوالها بتفكير .. خالد له يومين مادق عليها ولا
حتى أرسل لها مسج
تنهدت بضيق ورمت نفسها ع السرير

إيش فيني أفكر فيه .. وإذا مادق مو أنا كنت ما أبغى أحاكيه وأكرهه
يمكن لأني تعودت أسمع صوته كل يوم
أفففف .. تأففت بضيق وقامت أخذت جوالها وفتحت مسجاته

غصب عنها إبتسمت لما تقراها
رفعت راسها .. معقوله يكون تعبان علشان كذا مادق أو أرسل
لا لا إن شاءالله مافيه شيء .. يمكن إنشغل في المستشفى

أففف يارب .. رمت جوالها ع السرير وقامت ونزلت تحت
ما شافت أحد

طلعت في الحديقه وشافت ريم
جالسه وشكلها سرحانه

راحت لها : هاي
التفتت لها ريم : هلا
جلست قدامها : شفيك سرحانه
ريم سكتت و وضح ع وجهها الضيق وكأنها بتبكي
رنا : عبدالله صح
ريم همست : ما أبغاه وأمي مصره
رنا : طيب حاكي أبوي
ريم : ماقدر أمي حالفه إذا عارضت أو قلت لأبوي بتتبرى مني وأنا مابغاها تزعل أو أسبب مشاكل بين أمي وأبوي

سكتت رنا ماتدري إيش تقول أمها مصعبه كل شيء
و رفض رعد لدلال صعب الموضوع أكثر

ريم بابتسامه : إنتي كيفك مع خالد
رنا : تمام
ريم إنبسطت : قلتلك خالد طيب وحبوب وبتحبينه
رنا : من قال إني حبيته
ريم : أجل
رنا : مادري .. المهم حاكيتي أمل اليوم
ريم : لا ليه
رنا : لا ولا شيء بس أسأل
سكتت كان نفسها تسألها إذا أمل قالت شيء خالد

***********

التفت يناظر فيه .. من جلسوا
وهم هدوء .. وساكت وعيونه مركزه ع أمواج البحر

بسام : فيصل
فيصل : هلا
بسام : شفيك ياخوي شايل الدنيا ع راسك
تنهد فيصل بضيق : قلبي صار مو ملكي يا بسام .. راحت لغيري
بسام : هي اللي باعتك وإختارته ليه تعذب نفسك علشان خطاها
فيصل : أبي بس أعرف ليه  ليه وافقت عليه .. ليه خانتني
وهي عارفه إني أحبها كلما تذكرت اليوم اللي إعترفت فيه بحبها لي أحس إني بنجن كيف تقول تحبني وتبيعني .. آآآه يارب