وَهـن القلـوب البارت الواحد والعشرون
جميعًا نستحق شخص يقول، "نستطيع حل ذلك، لا يمكن أن أخسرك." 🖤
___________
ممكن متابعة لحسابي
نجمه مع تعليق جميل كجمال وجهك .
____________
قصة بقلمي ام العـز ..
سهير رائد
_لحظة حبيبي اني شحاجيه يم الغير مثل متكول ؟
_عباس . ليش گايله لامج وخالج عن موضوع الشقه وخالج يحاول يقنعني والحجية حاجية وي اخويه بيها ليش ؟كتلج اني ماريدها احس نفسي مراح ارتاح بيها واريد آجر بيت بكيفي وبأي مكان يعجبني ليش تحاولين تصغريني كدام العالم !
_ اني مجرد حجيت يمهم مطالبه منهم يحجون وياك هما نيتهم طيبه تجاهك وتجاهي ويردولنه الراحه ليش معقد الامور .
_عباس .مناسك انتي ليش توتريني وتعبيني .
_لحظة عباس اني من حقي اعرف ليش غيرت رأيك اقنعني واقنعك اذا اكو سوء فهم بالموضوع .
_عباس . لا ماكو شي ولاسوء فهم.
_ لا اكو بيوم الرجال حجة ويايه وكال هاي انتي صاحبة الشقة وانت تغيرت ومردتها ليش شنو التفرق اذا كانت بااسمي او بأسم عمو واحد اشوفها .
_عباس . مناسك اني احبج لاتخلين هيج امور تزعلنه عن بعض .
_لا ليش تزعلنه بس كلشي بالتفاهم وبالرضا حلو اعتقد احنه مابينه فرق اذا جانت بااسمي او مأجرة اشوف انت مكبر الموضوع جدا .
_عباس . ممكبرة واني كلت انتهى وهاي هيا .
_اوك على راحتك واعتقد اني هم ادور راحتي والي كلمة وياك اذا تعتبرني شي بحياتك مهم
_عباس . لأ راحتج وي راحتي وين ماريد اعيش .
_الوقت تأخر وانت تعبان وماريد يطور الكلام واحد منه ينغث من تصير زين نكعد ويانه طرف ثالث يحكم بالموضوع وتصبح على خير .
_وانتي من اهله .
نهيت الاتصال بحرگه قلب جبيرة . شنو شدعوة عليه مكبر الموضوع وهو ميسوة .
محجيت وي ماما بالموضوع ولا كتلها ليش حجيتي لان هيا تريد النه الزين بس عباس الله يهدي .
اليوم الثاني كلة مخابرته بس دزيتلة مسج شلونك اليوم جاوبني زين .؟
مرات اشياء بسيطة تسوي سالفه مالها داعي ..
استحي ارجع افتح الموضوع وي ماما وهم يجوز بحسن نية تروح تحجي وياه تفهمة انو ماكو فرق وهم يرجع يحجي عليه . الامهات والاهل دائما نيتهم طيبه ويتمنون يسعدونه بأي طريقة ويمكن يتنازلون عن صحتهم وكرامتهم ووقتهم لخاطرنه بس احنه منشوف هذا الشيء الا بعد فوات الأوان .
_ماما . نروح اليوم اني وياج نشوف عباس صارلنه اربعة ايام خطيه من رحنه الهم والمريض يحتاج احبابه يمه .
