وَهن القلوب
البارت الثاني وااثلاثون
سمير صبيح يگول
النـه الله
يشــوفنه وعيـنه علينه
وأحنـه غير الله شبيدنه .
----
أم العز
سهير رائد
----
أمشي بين الگبور . واسلم على فلان وفلان هاي طفله ميته وهذا شاب يخبل مستشهد وذاك شيخ عايف عشيرته وميت هم هذا الغني وذاك الفقير وهذا حلو الشكل وذاك مو حلو وهذا العالم بالدين وهذا الجاهل هذا الدكتور وذاك عامل النظافه كلهم مدفونين جوا التراب سواسيه ماكو فرق كلهم بنفس الجفن وينغسلون بنفس المغيسل ويندفنون من دفان واحد كمت اعرف الگبور بهذا الشارع وكمت اعرف المدفون جديد والدفان يعرفني واليقراء يعرفني واليرش المي يعرفني كلها تركض من ادخل لفرع البيه ماما مدفونه .
لان بالشهر مرتين اجي خلال هاي السنة غصبآ على الكُل .
نزلنه من السيارة لان ماكو مكان فرع صغير وراه قبور اهلنه .
متآخرة عنها صارلي28يوم بالتمام . امشي وابجي وابجي بحزن عبالك اول مرة اشوف المقبرة وجايه مهضومة
بعدة عدة قبور صحت إجيتج ماما اجيتج حجيه اعذريني اتآخرت اجييييت مااااااااما اجيتج اكيد ظل بالج عليج دتكولين ليش بنتي متمر عليه .
اني متأكدة دتسألين بابا تكليله بنتك گطعت الجية بس والله ياماما كلها مشغولة والعالم ملت مني ومن حزني ملت وصرت ثگيله عليهم يكلولي كافي راح تتخبلين ليش مااتخبل حقي اتخبل لو لا اذا امي جوا التراب شلون مااتخبل وليش ما متت وراج .ماما جنت اكول عباس كسرني بموته لا والله ياماما اني جنت قوية بوجودج وانتي من متي لليوم انكسرت روحي وگلبي انوجع بقوة اول مرة احس بهيج وجع ووهن گلبي بعدج يا ماما .
ادري مليتي من كلام العتب مني بس ارجع واگول ليش عفتيني ليش ولج ماما احـس نفسي غريبة وووحيدة واحس نفسي اكسر الخاطر اني من اكعد بمكانج واسولف وياج روحي تنكسر على روحي ااااه ياماما اااه من المكبرة والفراگ ااااه ماما فدوة اروحلج ما تكدرين ترجعيلي هيج لحظة اشم عطرج وابوسج والله ماشبعت من بوستج اخر مرة .ليش ام المروءة شلتي عني وبعدتي وتگطعين بيه ليش اني مو بنتج الوحيده خليتني أكل بروحي وغصتي ابلع بيها وماتبلع من الحزن
اكُلج ماما
ماما جاوبيني ماما انتي راضيه عليه ماما
صوت . كافي عمو كافي .
_كلمرة متجاوبني ليشش وامسح دموعي واحجي بحرگه .
_عمو . خلينه نقرا الفاتحة وكعدي يمها وسولفي وياها بهدوء مو بعياط ياعمو .
اجه القارء يقرا واجه الثاني يغغسل القبور
كلمرة اني اجيبهم يقرون ونغسل القبور اغسلهن واكعد بسدهم بين ماما وبابا .
ماما خاله وباجي يسلمن عليج .
الكُل حزين ياماما وياي بس اني تعبانه من يوم اللي عفتيني ورحتـي اليگلي شلونج اشوف اني ماعندي لون وحال بعدج
ماما الدنيا صايرة كلها نفس الون على گولتج ملحه مابيها لا روح ولا طعم لا لاكلة ولا لسالفه ولا طلعه كلشي فاهي من بعدج .
تدرين ماما حتى عباس كمت مابجي عليه ولا آمرله ابد الا وياهم من يجون اجي ركض ازورة واجي ازورج ركـض
ماما كمت ابجي سكته وجرحي عليج اضمة استحي منهم مللتهم والله لو بيتي وعايشة وحدي الا اخلي العزا لليوم منصوب عليج وما اكفي منه .
