وَهن القلوب
البارت التاسع والعشرون
ام العز
سهير رائد
_____
وانه شبيدي التعب فرهد مواليدي
______
الأمل الاخير يبقالي آثر من عباس الله يرحمه راااح بقت بس الصور احجي وياها والذكريات الحلوة كلها حلوة وياه عشرته لعباس جانت حلوه لاغثة ولازعل من القلب ولا كلمه تخشن القلوب ولاموقف يزعلني منه ابد جنت اسوي الزعله حتى يجي يحبني ويحارش بيه ويدللني ويدلعني
الله يرحمك اويلي شلون كلمة الله يرحمك گمت اكولها ورا ذكر اسمك واقراء قران واهديلك ليش عباس طلعت بحياتي فجاءة ورحت بسرعه شكد علاقتنه الحقيقة شكد مدتها مابيها سنة تعارف وخليتنه هيج نحبك ونبجي عليك بدل الدمع دم
مسحت دموعي وكمت تقويت والحزن بگلبي يمي ماما ورهف .
خالو وباجي و خاله ورزان وبهاء يومية او بين يوم ويوم يجون العصر او بليل ويرحون سادين عليه وحشة الشقه بعد عباس الله يرحمه وعمو . علاء يومية يتصل على ماما ويوميه يگول هاجرن لاتبقن بالعراق ماما .
اتصل عليه ابو الوليد كال اريد امر عليكم .
اهلا وسهلا تفضل البيت بيتك .
ابو الوليد . الله يسلمج عمو على الاربعة امر عليكم مرة سريعه .
بالاربعة واتصل جاوبته گال اني جوا البناية.
_تفضل عمو اصعد .
لبست واتحجبت وماما فتحتله الباب .
_يمي رهف كاعده بالغرفة .
لج هذا ابو الوليد حليو عجبني .
_ابتسمت هسة تغيير شكلة شهر والحزن غير ملامحة جان كُلش حلو ومرتب.
_رهف . مثل ماغيرج الحزن عيونج ذبلانه وحزينه والدمعة بيهن حتى لو ساكته دمعتج متفاركج .
_شتفارگني الدمعة واني عباس بكل مكان مگابلني وعبالك ويايه بكلشي بس انتو متشوفونه .
دخلت ماما للغرفةتعالي ماما ابو الوليد جاي ع السريع والعيب والفشله متسوك وجايي
_متسـوك ليش؟
_طلعت للصاله .
السلام عليكم .
_گام اليه وخله ايده على صدرة وحنه جسمه وعليكم السلام هلا ومرحبا بست مناسك شلونج شخبارج عمو .
_الحمد لله انت شلونك ام الوليد شلون صارت صحتها ونفسيتها .
_ام الوليد . عايشه اسمها عايشه الليل والنهار تبجي وتون على الوليد ومرات على عباس .
_الله يساعدها اختنكت وسكتت جريت نفس الله يساعدها داحس بيها اكيد لا تنام ولاتأكُل وتلوم بروحهه شلون عافته راح وياكم .
_ابو الوليد . ييي والله تلوم بروحها ليش خليته يروح وياكم هو لو مرايح عباس هم مرايح وعلى هل الكلام ليل نهار اختنك بعبرته وطلع جكارته كال من رخصتكم .
_ماما . غالي يمه .
_ بعد ما لحظات كلمن بلع عبرته ومسح دمعته .
_ابو الوليد . سيارة المرحوم اني اعرف بيها فلوس مناسك وهيا يمنه حاليا واني قيمتها واريد اشتريها لو تردنها ارجعها بس بيها ضرر هواي طلق واكعه بيها
