وَهـن القلوب
البـارت
الواحد والثلاثـون
بقلم ام العز سهير رائد ..
إنما الإنسان اثر فأحسنوا مأثركم
فكلنا نرحل ويبقى الأثر أما الطيب
أو السيئ
اللهم ارزقنا طيب الأثر،،،،🤲
_____
لطفا النجمه +تعليق + وتابعن حسابي🥲 صارلي قرن بالواتباد مواصله 1000 .ليش جذي ..
_دخول داعش والاوضاع المخربطة بالعراق والاخبار والتهويل وكل واحد يجيلك شكل وكالو راح يدخلون بغداد هنا ماما كالت اخذ بنتي واطلع اليريد يجي وياي يجهز نـفسة
اني بصراحة جدا جبانه خفت هوايه بقيت بقلق ليلتين منايمه لداعش يدخلون علينه يعني مكدرت انام بالغرفة فوك اخذت موبايلي ونزلت جوا دخلت على ماما ارجف
ماكدر انام اخاف .
ماما حضنتني ونيمتني بصفها وشوية دخلت رهف شايله مخداتنه وجراجفنا كالت والله اني كمت ارجف تخيلتهم يدخلون عليه من السطح .
_خاله .شجاجن داعش عايف الموصل والانبار وتكريت وجاي على مناسك ورهف.
_رهف يجوز احنه مستهدفات خصوصا اني اهل الموصل يكرهوني.
_ماما . لج رهف شلون نعرف أخبار اهل عمران.
_رهف . اوووع عمه شتسوين بااخبارهم الغبره مثل وجوهم .
_ماما . لج نعرف شنو بقوا بالموصل طلعوا منها ؟ خطيه شصار باحوالهم ؟.
_رهف . يجوز انضموا لداعش هما فكرهم مثل الفكر ويتمونون هيج او جانوا ينتظرون هيج جماعة تطلع اني اعرف اخبارهم ؟
_ماما . منين ولج
_رهف . بنية صديقتي هم بالموصل وعندي تواصل وياها لج مناسك وين موبايلي بس لانسيته فوك.
_شمعرفني وين شوفي ؟
_رهف . عليج الله حبابه تعالي صعدي وياي اخاف وحدي
_ماكوم والله يمه يطلعلي داعش غير اموت .
_رهف . وج اني هم اخاف عفية عمه كوليلها تروح وياي نجيب الموبايل من فوك .
_خاله . هاي صدُك من كُل عقلجن دتحجن ؟
_اي والله اني اخاف وبعد ماصعد فوك بليل لو كنوز الدنيا كُلها فوك اصعد والگيهم لداعش فوك .
_رهف . عزا لا يمممي والله ولااصعد راح انزل بغرفة بيبي جوا آنـزل كُل حاجاتنه .
_خاله . يا شوف ذني يالله نامن كافي لغوة جبانات .
_رهف . تقربت مني خلينه نصعد فوك نجيبه للمبايل بداعتي .
_شوفي اوكفلج بنهاية الدرج .
_رهف . موافقه .
_يلا كومي طلعنه خاله كالت ديربالجن ابو بكر البغدادي نايم بالسطح ولازم سيفه
_لا ماروح بطلت
_رهف . والله دتضحك علينه .خلينه نبين قويات لتفشلينه فدوة.
صعدت رهف اني وراها ظلمة وجان نشوف شي اسود گبالنه وهيا عيطة وهيا گلبة على ظهري على الدرج وفوكي رهف داست ببطني وتصيح يماااااااا نزلوا علينه
والبيت كُله طلع شكو شكو واني مكعبره على الدرج واصرخ ماما من الالم ومن الخوف والارتباك واسمع ماما انت بيك شي ماما انت زين
طلعت المعينه الخاصه بماما لابسه تراك اسود وهيا سودة وطويله والدنيا ظلمة
ماما تصيح بنتي بنتي ماتت بهاء يحاول يگوم بيه هو ورزان
وخاله تضرب برهف ادبسزز عيارات سويتن نفسجن رقيقات ترفات فززتنه وكعتن گلوبنه
