وهَـن القلوب
البارت الثاني
لـسهير رائد ..
كلشي تغير بنفسيتي من شفت سيارته باب بيتنه.. جريت نفس عميق ..وكفت باب البيت .. غمضت عيني.. اتخيلت الحلم يتحول حقيقه يبوس ايدي؟ .
احس برودة بزنودي رجفه بگلبي ..
صوت الباب نفتح فزيت ..
عبالي هوا طلع ..
ماما !! .
ماما . شبيج واكفه هنا وشوون تجين وحدج وابن خالج دينتظرج .. ليش تسوين هل الحركات .. شون تتجرئين وتجين وحدج بتكسي متكولين يخطفني متكولين يفجرني او لاسامح الله يتحارش بيج مفكرتي بكل ذني .. شووون تصعدين تكسي وحدج ومتخابريني وتأخذين رأيي .
ومستمرة تحجي وتلوم بيه واحنه بالباب وجان وجهه اصفر وحلكها ابيض وخايفه مرعوبة فد مـرة .وترزل بيه .
ولازمة بيدها الموبايل والكلينس ولابسة صاية سودة وحجاب يسموه مقنع اسود .
مناسك . ماما احنًه باب الشارع خلينه ندخـل ونحجي رجاءآ .
ماما . مسحت وجها بالكلينسة يلا ادخلي .
فتت واني عيني على باب المدخل بعيد عني لان بيتنه جبير واني ادخل من المطبخ
خطواتي ثكيلة وعينه دتحاول تشوفه بالصالة ماكو الباب مسدود .
راحت ماما دخلت من باب المدخل واني للمطبخ
موجودة رزان وباجي فاطمة .ديحضرون للغدا .
مناسك . سلام عليكم .
باجي فاطمه وعليكم السلام شنو اليوم جايه وحدج ؟
اي باجي ونسيت اتصل على علاء وابلغه اتصلي عليه ليمر عليه وينتظر
باجي فاطمه . امج اتصلت هسة قبل لدخلين وبلغته وجااي مناسك بعد لاتقلقين امج عليج خطيه والله لو ما يمهاالجماعة يمكن صار بيها شي.
صبيت مي بكلاص وعيني ع شباك المطبخ
بس باجي والله ممسوية شي يعني اجيت بتكسي وبس .
باجي .فاطمه . متعرفين انتي بهذا البيت شكد يخافون عليجن من كلشي والوضع مو امان وانتي ماخذج خطيبج يعني المفروض تنتظرينه مو تجين وحدج .
دخلت ماما من باب المطبخ الداخلي .
تعالي مناسك سلمي .
التفت عليها هاا ماما .
تعالي سلمي قبل ليروح عيب .
جاوبتها سويت نفسي ما اعرف منو اسلم منو هنا وأسلم عليه
ماما . ابن عمتج ؟
ايي جايه بس اغسل رحت للمغاسل باوعت لنفسي طلعت من الجنطه حمره وخففتها وطلعت العطر عطرت نفسي ورحت بكل ثقة للصالة .
باب الصاله مفتوح ودخلت بيها لوفه
مساء الخير واني اتقدم عليهم .
رفع راسه وگام مساء النور يا هلا بمناسك مد ايده احس الحلم صار واقع مديت ايدي جاااانت ايده حارة الحرارة وصلت لگلبي .
شلونج ..
الحمد لله انت شلونك عيني بعينه احاول استغل السلام وابقى عيني على ملامحة وطريقة كلامه ..
