وَهــَن القلـوب البارت العاشر.
التفاعل مع القصة مطلوب 🥰 نجمة وتعليق ..
_______
سهير رائد
أُم الـعز
_______
صح طلعه وبليل واجواء حلوة بس فرحتي تنغصت من البيت وواهسي كُله طار من طلعت الطلعة كُـلها مـدبرة من عمو حسيته متقصد يجمعني بعلاء يمكن فهمني عمو غير فهم اريد اطلع اريد اهتمام من علاء
. هونت على نفسي وحاولت اغيـر جوا وما أهتم لوجود علاء عادي هو هم ميأثر عليه ولا يسوي شي يزعجني حالنه حال بالبيت متعودة عليه ممستحية بس جنت اتمنى بس اني وعمو نغيـر جو واحجي براحتـي .
من عـمو جاب طاري شاهر راح يجون كلشي تغير المكان صار يخوف بالنسبة اليـه بزه بگلبي قوية احس ضيق بالتنفس صوت الموسيقى عالي دخت عرگت بينت على ملامحي .
_علاء . مناسك شبيج ؟
وين التواليت .
_علاء .نهايه الممر تكلين مكتوب عليها .
گمت رحت للتواليت اريد اتمشى او اتنفس افكر شوية
اباوع على نفسي بالمرايه ابتسم .
ليش خايفه ممسوية شي حتى او اجت خطيبته
هو وعدني خلال المدة اذا كدرت انهي الموضوع راح يعوفها ..ووعدني وحلف باامه بعد ليش خايفة ومتوترة .
زين اني مو جايه وي علاء هو خاف يزعل مني بس والله هو يعرف اني وعلاء مجبورين ..ويعرف كُلـش زين اني احبه وبس هوا اللي بقلبي ..
بقيت حوالي نص ساعة خاف اطلع وخاف الگيهم جايين .
وخااف وخاف خلصتها بالصحيات لحد ما اجت وحدة من المطعم تشتغل گالت انتي مناسك ..
فزيت اييي
گالت اهلج دينتظروج وقلقين عليج يكولون من زمان دخلت خاف صاير بيها شي؟.
لا طالعه طلعت بسرعة وعيني على طاولتنه بس عمو وعلاء اووووف الحمد لله.
وصلت
_ عمو .وينج وين رحتي .
ماكو شي شفت بنية صديقتي وجنت احجي وياها ونسيتكم ..
طالبين عشاء .
_عمو . ايي وطلبت الج على ذوقي .
شكرا عمو . احم احم عمو شو مااجه شاهر وزينه ؟.
_عمو . يگول متقبل خطيبته تتعطل وتريد تشتري شغلات زواجهم قريب ؟
احس مو عشاء سم صار وطلعه انقلبت عليه قهر وحرگه قلب
احرك بروحي.
والمطربه امل خضير تجر موال وتتعب كلساع وجه مطرب ثاني هم موال عوزي ابجي والطم وياااه . ماصدكت كالو نطلع بعد .بگلبي هيج طلعات وونسه اللي اطالب بيها ماريدها بعد ماافتح حلگي ابد ..
يمكن الشي الوحيد اللي ابتسمت من شفته رائد عباس بليل والاضوية تلمع بعيونه لابس قمصلةجلد ويخابر وواكف يم جماعته يم الحاجز من وصلنه رفعوا الحاجز ومشت السيارة عيني بعينه عدلت بس راسي اباوع علية لان اني جنت بجهة عمو ورا ومنزلة الجامه ومخلية ايدي على خدي من مرينه من يمهم ..
هما يعرفونه ويعرفون علاء يسلم عليهم دائما ..
منتظرينه البيت وماما فرحانه بس دخلت هااا تونستي حلوة الطلعه وي علاء ؟!
لا والله متونست وضوجة وراسي يوجعني وعندي دوام وتصبحون على خير.
تلكتني رهف هااا سولفيلي شكو ماكو كوليلي .
اهوو يارهف امل خضير وواحد ثاني بديل عبد فلك . شسولفلج موال عبالك فاتحة عمة الله يرحمها اجيت اعيط والله العظيم لا وعمو يهز راسه ويكول الله على الفن الاصيل .وهيا المطربة اخر انفاسها يمكن كلش تعبانه.
