وَهـن القلوب البارت الخامس والعشرون
احببتك حبا أدركت به....
أن ليس في الدنيا ما يحزنني غير ابتعادك عني !!
ام العز
سهير رائد
____________
_عباس .منو ابو خريان
_بدران ؟
_عباس . منوووو بدررررران شبيج ياول فهميني على منو تحجن وشكوو.
_روحي رهف لدرمين باأذني خليني افهمه لزوجي كطعت الاتصال وياها .حبيبي نقصد عمران ديهدد رهف .
_عباس . وكف السيارة لزمن الستيرن بيدة اثنينهن صفن ليكدام باوع على الشارع طلع جكارة ضحك ضحكة اني اجيت اطفر من السيارة من الخوف من الضحكة مالتـه ؟
_كمت اضحك على ضحكته .
_عباس . على هل الأسامي والله حقه يهدد بيها وج انتن شنو اذا تكرهن واحد الا ادمرنه من كل الجهات ابو خريان وبدران شكووووووو بس فهمني .
_هاي بدران اني اسميه ورهف تسميه ابو خريان هسة هو ديهددها يُگلها اقتل اخوج اذا مترجعين .
_عباس . شلون يوصل لاخوة غير اذا دخـل للشارع يشكونه شگ الحرس الواكفين اني راح ابلغهم وانطيهم اسمه ومواصفاته وبنت خالج خلي تبلغ ابوها وتأخذ تهديدة محل الجد وتروح تقدم بلاغ تهديد .
_هيا لباجي تخاف تگول وتريدها تروح تبلغ .
_عباس . لازم تبليغ وكون من رقمه غير يهددها يعني يجوز هو صادق بكلامه .
_ماعرف هيا هم صوجها مالكت الا هذا .
_عباس . عيونه خضر وكتلت روحها كتل عليه عدنا واحد من عمامنه بيت حميد كلهم عيونهم خضر بس احقر ناس على وجه الارض لهيج اني ابو عيون الخضر ولا احبه .
_اي يعني مو كلها .
_عباس . قابل معمم على الكُل اكلج اني هذا ثاني واحد عيونخ خضر ماحبه وماارتاحلة.
_يعني لو لون عيوني خضر متحبني .
_عباس . حبيتج على لون عينج يخبل ياعمري حتى لو حولة والله أحبج واموت عليج .
وصلنه للشقه وداغير ملابسي .
دك تلفون عباس .
عرفته اخوة جاوبه عباس كال باجر معزومين بعد عيب صارلنه شهر نأجل العزومات .
_على الغدا لو عشاء؟
_عباس . على العشاء بس شايل هم شلون اعوفج واروح للدوام ؟
_شنو عليه ياحبيبي عمار ومحكمة وبيه حارس وشقه ومقفولة متكلي ع شنو شايل الهم .
_عباس . گلبي مينطيني اعوفج واروح .
_لعد بطل واكعد يمي
_عباس . اي وشلون نعيش .
_اي داوم .
_عباس . يعني مترديني يمج .
_اهووو عباس بطل وداوم وداوم وبطل
_عباس لعبة هوا .
_اني سامعة بالكسر والجبر بس هسة لكيته عندك .
_عباس . تعببان راح انام لتتحارشين بيه ظهري يوجعني من الظهر .
_مراح اتحارش نام وبدلتك وحذاءك وجوراب وكلشي معلكات .
_عباس . ربي يخليج اليه ياعمري .
_والصبح كعدني اسويلك ريوك .
