بقيت كاعدة والمعلمات يتعرفن عليه . (بعد ماتعرفت على الحلوة المؤدبة والجميله والانيقه والرفيقة والشخصية والكياته احم احم ام العز التشبة نجيبة انا الشمعة وانا اللمعة وانا سراج السلطان ليلة الجمعة )هذا المدح مني لنفسي😌
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نرجع للقصة عوفجن من ام العز الشمعة
..صار انتهاء الدواء واتصل عليه شاهر بالباب وطلعت الطريق كُله اسولفه وشلون حبيت الاجواء والكادر امبين زين وهادائات واحتمال مينطوني شي لان عدهم مكتمل واحنه زيادة اني وبنيةجديدة معلمه من بغداد . وبالبيت هم تلگتني عمه وتسألني وطلعت تعرف اثنين معلمات وحدة منهن اللي سألتني على شاهر . متحمسة جدا للدوام الجديد كملنه غدا اني من اتزوجت شاهر لحد اليوم من نتغدا اساعد بالمواعين وميقبلون الم السفرة اذا الكل متواجد يعني اكون جوا ايدي عماتي .بس هنا ميقبل يكولن شعدنا انتي عروسه مايصلح اضحك عليهن لان يكولن مايصلح دائما قبل الدوام اكعد متأخرة اعزل الغرفة والكعدة واغسل ملابسنه واطلعه واروح اتريك وارجع اكوي ملابس شاهر وهيج يعني الروتين اعزل بالبيت اكثر شي المجلس مو يتوسخ لا يصير هوسة لان الولد عين الله عليهم هوسة النفاضات والكوشات مالت المجلس والبطاله مالت المي واكوابه الجاي هيج هوسة ويكومون اني اعزله وراهم شغلي خفيف . وكفت اساعدهن بالمواعين عمتي كالت تعبانه اخذي جاي لزوجج وروحي؟
_لا هناك اسويله غسلت ايدي ورحت قفلت الباب هو مكنك اني نزعت الثوب مالتي والشال وشغلت الهيتر على المي اخدر جاي كملته بسرعه جبتله كوبه ورحت توضيت واني البس ثوب الصلاة شاهر . اكلج مناسك دائما اريد اسألج هاي رجلج شبيها؟
_بعدني ممصليه يترجل وينها استغربت
_شاهر . لزم كرشة رجلي هاااي شبيها اثر خياط وجرح ؟
_ايي مجروحة وتخيطت
_شاهر . شو مادري شنو بيش مجروحة اول مرة اعرف هل الشي؟
