وَهـن القلوب البارت الرابع والعشرون
ولك في الروح عشق
فكيف لاتدمنك روحي
وانت دواءهاا
#بالعراقي_نگول
#شحچيت_وحبتك_هالكثر_روحي
_______
حسابي ع الانستا
https://instagram.com/s_uheer?igshid=ZDdkNTZiNTM=
________
وين الفولو لحسابي +نجمة⭐+تعليق لرفع القصة وللأستمرارية بالنشر ترا النفسية حاليا مال نملة آرملة وعدها 4اطفال ومخليها بقاروة زجاجية ماكو لاشكر ولاخبزة تعيش بيها تقبلنها اموت 🐜
_عجيبه الايام والصدف شنو من صدفه اني اشوف زوجته لشاهر ومن نطلع نشوف خطيبته السابقه هيا وامها ومن دخلنه للصايغ وطلعنه هو يلا گلي وراها كال خلي اريكج تشريب باكلة من المطاعم الشعبيه .
كيفت وكعدنا نتريك كُلش طيبه
تشريب تتكون من خبز ومي الباجله ويرشون عليها بطنج وبيض بدهن الحر وياها بصل وطماطه .
طلبنه صحن واحد وتوكلنه على الله وبدينه ناكل .
وجان مطعم شعبي صغير بداية الباب كزاز .
عباس . اجيبلج جااي ؟
_يي جيب .
_عباس . ابو الشباب اثنين جايات . جابولنه بسرعه .
_الطعم وي الجاي يجنن .
_عباس . مناسك دير وجهه وباعي يم بياع الملابس شوفي هاي البنية وامها؟
من داخل المطعم الشعبي باوعت بنية تقريبا اكصر مني ملامحة ممبينه
.يجوز صدك جتي تدعي عليك .
_عباس . يسويها الحظ هسة الا اليوم تجي الا اني وياج .
_تدري اني هم شفت زوجة شاهر ابن عمتي .
_عباس . شلون صدفه يجوز هاي خطيه تدعي للافراج عن زوجها .
_اي خطيه الله يفرج عنه .
_عباس .ان شاءالله . اطلب بعد ريوك حبيتها
_لاحبي شبعت والحمد لله واي كُلش طيبه دائما باجي تسويها هيا وتشريب لوبيا بس هاي اطيب .
_عباس . الف عافية يلا نكوم وراها مشوار ثاتي .
_اوك .
كمت غسلت بمغسله صغيرة شبه وصخة وصابونه مشتركة
عاد بس غسلت بمي وطلعت اكلينس مرطب وعطر وطلعنه وين حنروح .
_عباس . انمر على معرض مال ولد اعرفه نشوف سيارت شعدهم .
_اجرنه تكسي ورحنه للمعارض وجانت ازدحام بس حلوة هيج مشاوير. دخل عباس ولازم ايدي شافنه واحد سلم على عباس .
عباس گله اريد سيارة هيج مواصفاتها هديه زوجتي بمناسبه زواجنه !! اني الضحكة بداخلي لان جذب .
_شاف سيارة حلوة زينه واتفقوا تكاتبنه باسمي وكله العصر اجيب الفلوس والجنسية مالت زوجتي انطانه وكاله وكله هاك المفتاح جربها شوفها .
صدك والله صعدنا بيها .
_اول سؤال شلون انطاكياها .
_عباس . مينطون الا لليعرفوهم هذولة نسابة ابو الوليد ولد خالة مرته يعني يعرفوني واثقين مني بس مكتيلي شنو رأيج بالسيارة .
حلوةوالله اني ماعرف بيهن بس احب السيارة العاليه اكيد ماما حتفرح ..بس ليش كتلهم هديه لزوجتي ؟
_عباس . ممجذب امج انطتنه فلوسها هديه زواجنه
_لعد ليش مسجلتها بااسمك .؟
_عباس . فلوسج انتي وامج اني ع اي اساس اسجلها باسمي .اني اسوقها اصير الدرويل مالتجن اصلحها اذا تعطل بانزين تايرات غسل شي كلة عليه الشوفير الخاص مال حبيبة كلبي .
_يعني تسوقها بدالي .
