وَهن القلـوب البارت الثاني عشر ..
#لاتنسون التصويت على القصة
وكذالك التعليقات والاراء 🥰😘
ملاحظة :-الخطأ الإملائي بالقصة سامحوني عليه لان اكتب على السريع ومااعيد قراءة البارت بعد الانتهاء من الكتابه ..
ٱم العــز
وين انت واني وين احنا بكلشي مختلفين
واحد يضحك ومرتاح والثاني بدموع العين
__________
لحظة إدراك ..اعيد اللي سمعته جوا علاء هاجر وعلاء ماخذ الفلوس وعلاء يكول مناسك مثل اختي .. فد شي على گلبي نزل برودة
معقولة خلصت من كابوس علاء ..
حمل وانزااااااااااااح من على متني ذبيت حسسسرة جبيرة بصوت عاااالي ..
امسح بدموعي الجانت دموع الممزوجه قهر بزواج شاهربهذا اليوم وهاي الساعة
وفرح بخلاصي من علاء بنفس اللحظة ..
بين ما هما كانوا الكل مصدوم جوا اني رجعت للغرفة الموبايل على الفراش جريته طلعت الواتساب
رقم شاهر..
الف مبروك الزواج القدر اللي خلى بيوم زواجك هو نفس اليوم علاء يهاجر وينهي كلشي .. الف مبروك ..
كمت إبجي وجسمي يرجف بقوة عبالك مخليني بنص بحر جامد ..
دخلت رهف كعدت وماتعرف شتحجي بس ايدها جانت تمسح بزندي وعيونها تدمع مدري عليه مدري على اخوها ..
اسمع ماما تصيح ؟
كامت رهف سدت الباب تريد مااسمع اليصير جوا ؟
ليش سديتي للباب ..
_رهف . احسن كلامهم مراح يفيدج اذا سمعتي والكلام هسة بعد كلشي ميفيد ومو وقته ..
_ لا والله هسـة وقت الكلام كُله ووقت المواجهة ؟!
طفرت من فراشي على السـريع نزلت ليجوا
باجي مخليه ايدها على خدها وكاعده وخالو كاعد بالكاع ومخلية رحة إيـدة على راسه وخاله كاعدة على الكرسي البصف خالو وماما بعتب شديد تكُل لخالو مدري تعاتبه .. ليش ابنك هيج سوووا واكيد بعلمك انت وامه تضحكون علينه مو مو هاي يتيمه ووحيدة والله يعاقبكم ربك يطلعها بيكم لاتضنون يعديها الكم بالساهل شنكول للعالم ابن خالها عافها بين ليله ويوم والكُل يعرف مناسك لعلاء وعلاء لمناسك شيگولون على بنتي العالم شيگووووووولون شبيها ..
_ شيگوووولون العالم ؟!
الكل باوعلي لان صوتي عالي وعصبية وكل جوارحي احس بيها حجت .
_ماما . شتكول الناس مترحم .
_ وتگول العالك وطبها مرررررض تدرررررين اني فرررحانه فرررح ومتشمته بيكم انتي وااااااخووووووووج سنين دمرتوا حياتنا بسبب وصية بيبي المشوؤمة تنفذون وصية عجوز خرفت خافت على الفلوس كالت مناسك لعلاء واموت واني راضية عليكم امكم هيا احنه شعلينه هااااااا اني شعلية امج بقبرها ترضى لو متىضى عليج سنين افهمج واتوووووسل بيج واكولج ماما ماريده علاء مثل اخووووي اني وياه متربين سوووا وانتي كلمرة تعصبين وتلطميني على حلكي علمود اخوج يرضى موووو هااااج استلمي ابن اخوج طفر وسواكم مضحك اليه ولغيري والله يسعدك ياعلاء وين ماجنت لان عرفت تعلبها صح وتطفر وترحم حالك وترحمني من هذا البيت وهذا التحكم بهذ البيت المشؤوم واكلج شي كدام الكل بعد مالج اي كلمة علية ولاتفرضون اي قرار والله وروح ابوي بگبرة وحق كل حرف من كتاب الله اعوفج واروح اعيش بعيد عنج واحرمج من شوفتي واي واحد يمسني بحجاية بهذا البيت جبير صغير مايلووووم الا روحة والله العظيم والله العظيم والله العظيم قسمت تلث مرات اللي يوكف بوجهي او بحياتي او يحاول يتحكم بيه الا اخلي فرجة لامة محمد ترا اني عندي اهل مو تايهه ..
