وَهن القلوب البارت الرابع والثلاثون
ما دامتِ الشمسُ تأتي بعدَ ظُلْمَتِنَا....
فليعلمِ اليأسُ أنَّ القادمَ الأملُ...
ام العز
سهير رائد ..
__
گالها بكل ثقة وطلع للباب بسرعه صحت لحظة .
_شاهرر . وكف ودار جسمه عليه لحظات العمر الج مو لحظة ؟
_بله عيد الگلته قبل لتطلع.
_شاهر . نتزوج وانطيج وقت تفكرين .
_ياااااوانت منو گلك اني اريد اتزوج ومن سمحلك تحجي وياي بهذا الموضوع بكل ثقة شنو عبالك هسة اركض من الفرحة؟
_شاهر . اهاا لعد فكري منا لشهرين تلاثه اربعه سنه سنتين خمسة عادي ما ورانه شي ننتظر . .
_ لاتنتظر وردي واضح هذا الموضوع اني ماحب ولا أسمح لاي شخص يفتحة وياي او يكلمني بيه مهما كان هذا الشخص .
_شاهر . اني كتلج فكري لاتنطين جواب هسة متأكد جوابج يتغيير
_كمت على حيلي وجه لوجه وهم متأكد جوابي يتغير منو گلك
_شاهر . والله گلبي سمع گلبج وهو گلي احجي.
_ارتبكت واللسان اتعلثم بسرعه لميت قوتي كتله اطلع برا الغرفه لان عيلب لو اطلع اني هسة من بيتكم كله هسة والله ولا تحاول تحجي وياي ولا تكعد بالمكان البيه اني .
_شاهر . صار تدللين بسرعه طلع وسد الباب وراااه .
رجعت كعدت يمي بطل مي فتحته وشربت عدت بذكرياتي شلون اني اول مرة صارحته بحبي اله وشلون الاحداث المرينه بيها جنت يوم من الايام نتزوج لو نوكف هل الوكفه ويكول اتزوجج سبحان الله كلشي يتغير ..
العجيب اني ما توترت .
الصبح طلعت غسلت ورحت للمطبخ يم العمات .
صباح الخير .
جاوبني . كالت الجبيرةها عمه اسويلج ريوك .
_ها عمه تسلمين لعد وين عمتي .
_عمتج راحت لفاتحة گرابتها وكرابة مرت عمج .
_ها لعد من شوكت راحت هستوها الساعه بالتسعه الا ربع ؟
_العمة . احنه هنا بالسبعة نروح للفاتحة هم يلا يلحكن على الملايه ويردن قبل الغدا . دخل اسويلج ريوك .
_لاعمه تسلمين اني اسوي لروحي .
هيا خطيه طلعت الخبز والجبن والكيمر وطلعت بيض.
_ هاااي شنوو عمة فدوة لايدج والله ما اكل اني كُل هذا راح اخذ قطعةجبن عرب والكيمر وي العسل اكله بليل اذا مرجعت لبيتنا .
_هني ومري هو الغدا ب12تعرفين احنه ريوكنا بالسبعه وغدانه ب12 عرب وضحكت.
_كُلكم خير وبركة بس والله النظام بالاكل كُلش حلو ومفيد بالدوام من نلتزم بالوقت حتى صحتها زينه .بس بالعطل خربطة اربعه وعشرين ساعة ناكل شي خفيف ونترك الوجبة الرئيسية ..
_صوت شاهر يالله صباح الخير.
