وَهـن القلوب
الثالث والثلاثون .
نحتاج أحياناً لشخص نخبرُه عن حالنا الحقيقي وليس الحال الذي دائماً بخير ."
ام العز
سهير رائد
_ الجو أحترك وعمو راح حرك سيارته وطلع بدون ميشوفنه من الفرح .
باجي خديجة كلساع تكول الحمد لله والشكر گرة عين امك يشاهر بس يرجع عمج العصر كلش نروح لهناك نبارك لعمتج هذا يومها خطيه .
_عفتها ودخلت للغرفة قفلتها عليه كمت اكل بااظافيري ولاجنت متخيله الايام تمشي ويطلع شاهر من السجن اني وين راحت عن بالي اعيش هنا وهو يطلع ويشوفني خاف يسوي بيه شي من گال اطلع من السجن واني شاهر غير شاهر التعرفينه .خوف توتر قلق
خابرت رهف بسرعه
جاوبتني بسرعه هاااا منوسه
_رهف شاهر طلع من السجن واني خايفه .
_رهف . ليش خايفه من شاهر بالعكس لازم انتي فرحانه بريء وطلع .
_خايفه متوترة قلقه اريد ارجع لبغداد ماريد ابقى هنا ويشوفني خايفه منه هلمرة .
_رهف . ولج ليششش خايفه مسويه شي انتي بيه انتي اللي ساجنته؟
_لا شبيج شعليه اني بسجنه
_رهف . اي لعد ليش شبيج هسة المهم راح اخلي بابا يجي ياخذج بحجة عندج شغله هنا او اي كذبه بسيطه .
_اي عفيةفدوة لعمرج رهوفه لتعوفيني متوترة بشكل .
أسمع باجي خديجة اتصالات بينها وبين اخرين فرحانين بطلعت شاهر وسوالف وتضحك واتفقت تروح الهم العصر كالت من تخف هسة الهوسة .
شوية واجه عمو وينج مناسك عمو مناسك ؟
فتحت الباب ها عمو
_يلا عمو لبسي وتعالي اخذج لبيت عمتج تشوفين عمتج شلون فرحانه والكل اجاهم
_ها عمو . هوسة هسة خليها على الليل باجي تروح بليل
_عمو . لا حتروح هسة ويايه
_ها عمو بطني توجعني انرعبت من كثافة الرمي . اجه حضني هسة شلونج زينه حقج الرمي جان قوي بس الشباب فرحانين بابن شيخهم وصديقهم يعني اني ما اؤمن ولا احب ظاهرة الرمي بغير مكان الحرب بس هذا فرحت بيه والله هذا شاهر ابن عمتج هذا من جنت برا جنت مرتاح لان موجود وداگ صدره بكلشي يخصج .
_اي همزين طلع بس بلعثم احجيها .
_عمو . يلا لبسي ثوبج وخلينه نروح نلتم يم بيت عمتج الليله ليتهم وفرحتهم فرحتنه يلا عمو .
_انحرجت اي عمو صار .
طلع واني طلعت صايتي هو عمو يسميها ثوب ههه او فستان
بدلت ولبست عدلت شالي ضبطته واجت باجي خديجة ها مناسك عمه كملتي .
اي باجي كملت ان شاءالله .
الف مرة رجلي تريد ترجع خطواتها للبيت مرتبكه وخايفه ليش ماعرف ؟
شنو اليصير يعني وليش خايفه منه لهدرجة .
بالسيارة افرك ايدي بايدي الثانيه .
والسيارات تارسه الشارع وتطبك سيارات
باجي خديجة . يا صلاوات منين هل العالم .
