ظلم بلا ذنب

البارت الأول

#قصة_ظلم_بلا_ذنب
#البارت_1_الأول
#الكاتبة_سرى_🤍

اعرفكم عن نفسي

اسمي براء من مواليد 1995

اني بنيه عاديه مثل باقي البنات الصغار بالمدرسه اقضي يومي طبيعي دوامنه جان صباحي ومسائي بالابتدائيه من 8 الصبح لحد 12 ونص الضهر والمسائي من 12ونص الضهر لحد ال5 العصر جانت اموري كلش تمام عادي بنيه اهلها يحبوها ويداروها...

وهسه راح اعرفكم على اهلي وشكد العدد.

اني براء التسلسل مالتي بين عائلتي الثالثه عندي 3 أخوان وأخت وحده عائلتي حلوه وكلش احبهم من جبير للصغير بس اخويه ألأصغر مني بسنه اسمه محمد امي حملت بي عالأربعين مالتي جنه اني ويا كلللش واحد متعلق بالثاني 24 ساعه نلعب واحد يتحمل الثاني وحتى منتعارك ابد.

صح رويسيه بس اصدقاء اما اخويه الجبير أحمد متسلط كلش وصعب بشكل وكلشي عنده حرام وعيب وميصير بس كلللش حنين

اما أختي أصغر منه وأكبر مني اسمها سمر تزوجت وبعد الزواج زوجها اخذها وطلع خارج العراق جنت كلللش متعلقه بيها بحيث تمرضت بعد ما سافرت وجان عدها ولد وعافتنه حسيت نفس ألأحساس اللي تزوجت وطلعت من بيتنه عروس وأكثر حسيت بعد مااشوفها وبذاك الوقت جان ماكو أنترنت وتليفونات حديثه وهاي الامور

اما اخويه اصغر واحد اسمه محمود وبزر الكعده ماكل باجه ما يتحاجه مع ذالك نحبه بس جنه دائمن ننكتل ونترزل بسببه المدلل بعد. ههههه

شكلي حلوه صاحبة شعر طويل وعيون كبار وخشمي ميتعيب وحلكي كلش متناسق ويه شكلي صغير وحلو شي على شي حلوه طولي مقبول ورشيقه جسمي كلش حلو

بيت عمي احنه وياهم بنفس الفرع فرق عنه كم بيت يعني دائماً نروحلهم ويجونه عمي عنده ولد واحد و7 بنات بس كلهن عمي يحبهن ميفرقهن عد الولد يعني عددهم كلش هوايه صلاوات وبس بنات

بيتهم بي روح ومرح اكثر من بيتنه ودائماً اروحلهم لأن ثنين من بنات عمي بكصتي وبالمدرسه سوه احبهن ويحبني بس وحده أكبر مني بسنه وحده أصغر مني بسنه يعني اني بالنص بس اللي اصغر مني جانت كللش تغار مني بشكل بس مع ذالك مجنت اهتملها اني طبعي مااهتم بس جانت متقبل حتى أصادق غيرها ولا تقبل اتعرف على وحده غيرها بالمدرسه تريد بس هيه تصادق ودائماً اشكي ألأمي عليها مع ذالك اني احبها

عادي يعني واصلا اني طبعي مااحب اختلط واسوي علاقات أذا احد بادر وحجه ويايه وسولف اني أفرح وأصادق بس اذا محد حجت ويايه أني مراح أتجرأ خوافه بشكل وكلش متعلقه بـــ أمي وأبد ماأفاركها للسوك وياها تسيّير وياها للجوارين وياها بكل خطوه وياها وأذا عافتني من كل كلبي أبجي وحنينه بشكل يسموني براءه الدلع يعني وماشي عليه براءه

وهم يدلعوني بربر برو برابر ههههه بالاخص بابا يحير شيسميني مع ذالك أغار كلش من اختي ألأكبر مني كلش لان بعيده دائما ينادوني بأسمها ودائما يحجون بيها كدامي ويحمدوها وأني كلش أضوج تخيلو حتى من أطلع الأقارب