ظلم بلا ذنب

البارت الخامس والثلاثون

#ظلم_بلا_ذنب
#البارت_الخامس_والثلاثون
#الكاتبه_سرى_ 🤍

وأنت الذي أخلفتني
ما وعدتني وأشمتّ بي
من كان فيك يلوم لا مرحبا بغدٍ ولا أهلاً به
إن كان تفريق الأحبة في غد
وأمطرت لؤلؤاً من نرجس وسقت ورداً وعضّت على العناب بالبرد حتى الكلاب إذا رأت ذا ثروة خضعت لديه
وحركت أذنابها وإذا رأت يـوماً فقيراًعابراً نـبحت عليه وكشّرت أنيابها

يوسف. بصياح لج بلا جذب

براء. فتشني وفتش اغراضي والله ماعندي تليفون

يوسف. برااااااء لا تخليني امد ايدي عليج احجي بسرعه

.. سكتت مــ حجيت لان اصلاً مااعرف شنو اكول

يوسف. مو دااحجي وياج

براء. ما عندي شي اكوله والله

يوسف. هايه منو دتحجي ويايه لعد

.. شوفني محادثه على اساس اني دااحجي ويا بالبدايه على أساس اني معجبه وبعدين كايلتله اني براء وممصدكها وثابتتله هيه براء دازتله صورتي وكاتبه والله اني براء

براء. والله هايه مو اني شنو هايه منو دتحجي بأسمي

يوسف غشمه مااريد احجي لحد الأن محترمج ومراح امد ايدي عليج هنه حالتين يا اما انتي دتراسليني فعلاً وعندج تليفون سري يا اما انتي متفقه ويه وحده تحجي بأسمج وألا شلون تدزلي صورتج اذا مو انتي

براء. ممتفقه ويا احد وثاني شي لو اني صدك عندي تليفون سري شلون أكلك عندي تليفون وأراسلك وشنو هالجرأه اللي اني بيها

يوسف. هاااا متأكده

براء. اذا تريد تعاقبني عاقبني اصلاً تعودت عالظلم فــ بعد ماعندي قابليه امنعك

يوسف. اتمسكني زين اتمسكني

.. عافني وطلع بقيت صافنه شـ ديصير من كل عقله وأذا اني هيجي سويت معقوله يفوتها ألي طلعت كتبي لا غداء ولا بطيخ انتي شغلج اهانه ومذله وبس دااقره شويه وصعد يوسف

يوسف. مــ تكومين تتغدين

براء. ماأريد شكراً

يوسف. براء لا تختبرين صبري

براء. داأكلك ماأريد دااقره عندي دراسه هوايه

يوسف. ها خطيه اخاف انزعجتي لان اجيت وحجيت وياج على موضوع التليفون واللي الله أعلم شمسويه بي

.. محجيت شي بقيت ساكته لأن اذا اتجادل ويا اتجادل بلا نتيجه

يوسف. مو دااحجي وياج ليش متجاوبين

براء. بلا بشرفك لو انت متأكد من هالشي تحجي ويايه بهالبرود هاي شغله الشغله الثانيه اني وين الزم هذا التليفون وشوكت ممكن افهم؟