ظلم بلا ذنب

البارت الرابع عشر

#ظلم_بلا_ذنب
#البارت_الرابع_عشر
#الكاتبه_سرى_🤍

عندما تعجز النفس عد رؤية الأحبه🩷
فأنها تشتاق لهم بصمت مؤلم😔
أياك أن تضن الصمت نسيات لا ابداً 🤚
فهو نزيف داخلي لا يراهُ أحد 💔

هدى... طبعاً بالسنه مالت ندى اكيد ألتمن بنات العم والعمه والخال والخاله وصلاوات كلش هوايه اكو اللي بكدي واكو الأكبر مني والاصغر مني كعدنه بجينه شويه وبعدين صارت ضحك وسوالف عادي وكأنما مو دورة سنة ميت الي صارلنه اشهر مشايفينه اجوي وشفناهم والتقينه بيهم وسوالف وضحك وتمنو يشوفون براء بس جانت امي موصيه ممنوع احد يروح على غرفة براء وبصراحه خلت شهد على هذا الموضوع لان شهد سباعيه وتكدر على اكبر واحد اذا يصير وقت لازم هذا الشخص ترفع من عنده الزحمه ترفعها ومتستحي يعني

تحجي بدون خجل المهم فنه اللي يوصل الغرفة يوسف البنات الأغلبه يحذروني من براء وشهد من ضمنهم بقن شلون عبالك يترسن براسي عليها بحيث وصلت مرحله مااطيق براء بس هيه كلش مريضه جانت بحيث تتقيء اني احبها لـ براء لان مشايفه منها شي موزين وأحسها على نياتها بس شنو يكولن انو دتدكلكم ناعم ودتسوي هيجي حتى تثقون بيها وبنات هالوكت مو سهلات ومن هالكلام بحيث خلني اشوف براء عفريت مو انسان عادي ويكولن هيه وحده كيد ولا تثقين واذا كالت كذا معناها كذا واذا سوت كذا معناها كذا واذا نامت كذا معناها كذا ترسو الــ راسي ترس عليها واكو اللي اتفق وأكو اللي مــ تفق أكيد بصراحه كلبي انمله منها واني تعرفون مراهقه كلمه تجيبني وكلمه توديني

كعدت الصبح متحلفه عليها وفعلاً سويتلي مشكله وياها من لا شيء بس اني بالنسبه الي لا لازم من هسه افرض نفسي وشخصيتي عليها هيه الفصليه الخادمه اللي محد مقدرها واني البنت المدلله والبرنسيسه كل البنات يتمنون يصيرون برنسس واني بوجود بابا وماما واخواني فعلاً برنسس بيوم جنت اللي تعاركت وياها بنفس اليوم يوسف سافر

صعدت للغرفه اسمع بجي بخنكه بقيت حايره ادخل اشوفها شبيها لا لا ابد خلي تولي هيه منو واكبر راسها خلي اروح انام مااريد اوجع راسي بيها بس بصراحه اشتاقلها لان هيه لبنيه مبيها اذيه ويايه ابد وقليلة الكلام جداً ولطيفه وخفيفه عالمعده المهم مرة ايام واني مطايقه براء حتى المدرسه بقت تروح وحدها متجي ويايه أو ويه ماما بس يوم عن يوم داأشتاقلها واتمنى نرجع مثل قبل طبعاً هيه كلش مريضه بحيث الگحه مالتها الليل كُله والنهار كُله لدرجة ينقطع نفسها من شكد متگح عيونها تطلع وتصير حممره وهيه بيضه على حمار فــ كلشي يبين عليها

بيوم من الأيام يوم أحد براء كالعاده تروح قبلنه للمدرسه كلمره من اوصل للمدرسه اشوفها كاعده عالمسطبات ومرات وياها احد ومرات وحدها بس اليوم مموجوده ماكو سألت عليها كالو بالصف بس وصيت ميكولون اني سألت عليها دخلنه الدرس الأول والدرس الثاني صارت الفرصه هم ماكو براء مطلعت من الصف بصراحه كلش ضل بالي رحت الماما